囡囡4個月大,又係時間要去打針勒~
約左今日初六去打針,可能因為係初六,今日唔使排隊等電梯~~
今次係另一位姑娘幫囡囡打針,本來諗住今次又拍片既,點知呢位姑娘話唔俾,所以拍左2秒就要收機勒~
不過呢位姑娘都好有愛心,又係同囡囡玩下熟落左先...
首先係食口服輪狀病毒疫苗,雖然囡囡今次無上次食得咁滋味,不過都食晒,無浪費到咁貴既疫苗~
跟住就係打6合1針,吳爸爸驚到遮住左對眼唔敢睇,而我都驚囡囡肉地麻麻打針會痛d,點知囡囡好叻,無喊不得止,連叫都無叫一聲,面部表情亦無異樣,一d反應都無呢...姑娘話打完我都唔敢相信,吳爸爸聽到我話打完都好奇怪,點解聽唔到喊聲...梗係啦,因為真係無喊呀麻~
最後就係打肺炎鏈球菌針,姑娘話呢枝會比較痛,因為d藥比較"拿",咁呢枝就真係有喊
...不過喊左幾聲好快就哄番佢笑勒~好快就搞掂晒走得勒~
今次同上次一樣都無咩特別反應,無特別眼瞓,無神情呆滯,無發燒,食得又瞓得...我仲帶左佢出去拜年都無問題呢~
我軒軒都係今日打針針. 先係食輪狀之後五合一and肺鏈.
回覆刪除佢第一針五合一喊左一陣, 之後打肺鏈喊到手腳都震埋.....心痛.....
[版主回覆02/01/2009 00:03:00]其實喊都預左,大人都怕打針啦,何況bb呢...好在abby叻叻咋~
為左bb健康著想,心痛都要打啦~
我軒軒都係今日打針針. 先係食輪狀之後五合一and肺鏈.
回覆刪除佢第一針五合一喊左一陣, 之後打肺鏈喊到手腳都震埋.....心痛.....
睇支針拮落去果下, 真係慌慌地架 haha, 不過...其實小朋友好叻架, 有時我諗驚打針....到底由幾時開始呢.....有好多野都係父母教, 如果我唔話佢知打針係驚, 唔知佢會唔會唔識驚呢 haha
回覆刪除[版主回覆02/02/2009 15:25:00]咁又係,吳爸爸好似仲驚過佢~
我個女今日星期四去打六合一同肺鏈呀! 上次打乙型肝炎見到佢喊我好心痛呀!
回覆刪除[版主回覆02/02/2009 15:24:00]無辦法,都係為佢好~
我個Stella就喊左一陣...不過佢打針的表情好笑居多...hehe
回覆刪除[版主回覆02/02/2009 15:23:00]竟然好笑居多咁開心~
喬寶寶上次打乙型肝炎時夜晚都有小小燒
回覆刪除[版主回覆02/04/2009 13:43:00]姑娘話9成BB打完針就算無發燒都會有微燒既,所以喬寶寶好正常~至於abby到宜家為止打完針都未試過有特別反應,連微燒都無呢,姑娘話佢非常叻,哈哈~