今日最後都無返工,老公帶左囡囡返育嬰園,等我真係可以好好休息,瞓到11點先起身去睇醫生,醫生仲俾左2日病假我添呀~而老公都被我傳染左,佢話今日上training時勁咳,於是我都係決定煮番餐飯~
因為平時無咩湯水,於是今日我就煲左個比較滋潤既木瓜雪耳甘荀煲豬展...兩個病人都無咩胃口架啦,所以只係整左薯仔炆雞翼同埋蒜茸炒菠菜~煲湯係會貴d架啦,所以今餐用左五十幾蚊買食材~
而我煲落湯之後再瞓左陣就去接囡囡返屋企啦,囡囡比我地叻叻,到目前為止都無被我地傳染到,唔通呢d就係人奶B既效果?
食完飯老公同囡囡都瞓左啦,因為我聽日都仲係病假,所以執埋d野先休息啦~
我好佩服你每樣事都親力親為, 你頂多幾個月啦, 之後會好過好多的!! 加油呀!!
回覆刪除你煲個湯都只係5x蚊....點解我地一煲就幾舊水既.....
[版主回覆01/12/2009 21:34:00]下,一煲湯要成舊水?你煲咩呀?
我地呢煲仲會飲多幾日添架喎~
hihi你好,有時間來看看丫,thx^^
回覆刪除我阿仔一返學就惹病佐喇.. 人奶b 都頂唔順呀...
回覆刪除[版主回覆01/13/2009 21:48:00]病就總會有,唯有希望佢快d好番早d有抵抗力啦~
你個醫生咁好畀咁多日假你既，你真係要好好休息喇!
回覆刪除[版主回覆01/13/2009 21:48:00]因為我個樣好病下麻...哈哈~
啋啋啋, 唔好成日講呀! 囡囡無事既 ! 你地記住帶口罩呀!
回覆刪除[版主回覆01/13/2009 21:49:00]無事無事,不過為左安全起見,今日都帶左囡囡去睇醫生,以免佢病情惡化~
薯仔炆雞翼....正! 近日咁凍, 大家要小心身體呀!
回覆刪除[版主回覆01/13/2009 21:49:00]係呀,大家都要小心身體呀~
Get well soon
回覆刪除[版主回覆01/13/2009 21:49:00]今日好左好多啦~