買教材間公司既售後服務其實唔錯,為左唔想我地就咁將教材擺係度浪費金錢,佢地會幫每個客人tailor made個學習時間表~
送左教材黎之後,sales就叫我email囡囡每日既日常schedule俾佢,佢地有隊專人按住schedule黎編排學習時間,仲寫埋導讀方法,幾時由囡囡自己睇,幾時陪讀,幾時用重覆學習法,幾時聽CD,等家長有方法可依,好好運用教材達到效果~
份學習手冊仲親自送上黎添....睇一睇,佢真係跟住月曆編左成24個月既學習手冊~~因為我俾佢既schedule係平日要番育嬰園,所以佢編既日子往往都係星期六日或者假日,而且唔會太多,通常一早一晚咁樣,每次都唔多於1個鐘,通常都係15分鐘,都好似幾合用~
呢本手冊好似本guidebook咁,我覺得都幾好呀~
呢間公司都真係唔錯...
回覆刪除[版主回覆01/21/2009 16:48:00]都算係咁架啦~
呢套教材係一套過，還是遲啲可以再upgrade（即係到咗唔同年齡，可以再配適合教材）？
回覆刪除[版主回覆01/21/2009 21:08:00]係一套過架,可以用到3歲....所以都係bb愈細買就愈抵用~
佢仲有其他教材俾其他年齡用既...就算想買disney,佢地都可以供貨架~
你買邊套呀? 大約幾$? 我有諗過買yr baby can read, 都係二千左右
回覆刪除[版主回覆01/21/2009 22:32:00]我買左ladybird,詳情睇呢個post~
http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=13741
我有朋友借過your baby can read俾我,不過其實主力係個5隻dvd,無書跟...其實我想囡囡睇圖書多d,dvd想佢大d先睇,所以唔諗住買呢套~
咁呢套大概幾 $$ 架? 送唔送貨?
回覆刪除[版主回覆01/22/2009 00:37:00]都要5位數架,想知正確d你用私人留言啦....費時咁揚,哈哈~
當然送貨啦,落左order第2日就送黎啦,超高效率~
係咪學日常生活?
回覆刪除[版主回覆01/22/2009 00:38:00]點樣為之學日常生活呀?
我睇咗你下面回覆條link, 知道係咩黎!! 原來咁快就要俾佢睇.... 我之前以為俾咁細個b睇, 係d日常事物, 如進食... 分別顏色... 說話等....
回覆刪除[版主回覆01/23/2009 00:15:00]教材入面都有d書係教顏色呢d架...其實都好似個玩具俾佢玩,刺激下佢咁lor~
依家做人爸爸媽媽，真係一D都唔容易，樣樣o野都勞心勞努力o甘為仔女安排好，比D最好o既o野佢o地。比起自己細個o果陣，真係好唔同呀！
回覆刪除[版主回覆01/23/2009 00:14:00]係呀,bb每個階段要留意既野又唔同,要不斷學習新知識架~
細細個就有學習手冊...而家d小朋友好辛苦呢~~
回覆刪除[版主回覆01/25/2009 00:28:00]我以前都係咁諗...不過我覺得咁細個其實係唔知咩係讀書,佢只不過係當佢玩具咁玩,我又只係當呢d係玩具書,唔大期望,只係想俾佢細細個接觸書本,鐘意睇書,唔好怕左書咋~
呢本學習手冊只不過係俾我用,佢唔會知既...就算辛苦都係我啦,哈哈~