呢期天氣凍左好多,見到好多BB都病左...莫講話係BB啦,就算大人都好易病~而我亦都打敗仗,病倒了~
其實我前兩日已經開始流鼻水,琴日開始仲覺得喉嚨好乾...今日成個人都暈陀陀咁,要瞓多d休息下~~我好驚傳染俾囡囡,所以已經做左矇面超人帶上口罩...好在之前靳醫生開定左d餵人奶都唔怕既傷風藥俾我看門口,所以我都繼續餵人奶,囡囡見到我好似都仲認得係媽媽喎,咁叻既...哈哈~
以前我覺得呢d病好小事無咩所謂,不過有左囡囡我真係連呢d小病都唔想有呀,因為真係好防礙我照顧囡囡...其實囡囡都有少少鼻塞,不過因為我地一發現就已經幫佢滴鼻鼻(之前醫生開俾囡囡既),又用吸鼻器幫囡囡吸鼻水,又包到佢隻糉咁,所以囡囡既鼻塞都無惡化,反而係我呢個媽媽情況愈黎愈差....我最驚囡囡會好似我咁喉嚨痛就慘啦,不過好在到目前為至都無咩事,囡囡都好似平時咁精靈~
如果聽日我仲未好轉,睇黎我都要去睇醫生快快好番先得勒,我要做個不要病倒的媽媽啊~
係呀!! 做咗媽媽之後我都好怕病呀!!
回覆刪除[版主回覆01/12/2009 21:25:00]咪係lor,真係唔想病呀~
係呀, 真係好防礙照顧 bb...我老公病左, 已經做左廳長 5 晚喇 (今晚第 6 晚), 好多日都無抱過 addey 呀...and i think they miss each other lar (囡囡見到老公, 但唔明點解 daddy 唔抱佢, 喊喊喎...)
回覆刪除[版主回覆01/12/2009 21:26:00]病左仲要做廳長咪好難好番lor...addey爸要加油呀~
我都有照抱,不過就帶口罩lor~
真係要小心身體呀～～仲有幾日凍呢～～
回覆刪除[版主回覆01/12/2009 21:26:00]係呀,不過已經病左啦~
希望你快D好番啦, 仲會凍到幾日呀, 要多保重!
回覆刪除[版主回覆01/12/2009 21:27:00]你都係呀~~
點呀?? 今日好D未呀?? 如果仲有流鼻水就快D睇醫生啦!!
回覆刪除[版主回覆01/12/2009 21:27:00]睇左醫生啦,仲有2日病假添~
不過都好左好多啦~
小心身體呀, 唔單止為自己, 仲要為囡囡呀, 尤其是新年前, 好多事要打理架!
回覆刪除[版主回覆01/12/2009 21:27:00]咪係lor,都未準備新年d野~
係呀, 天氣凍真係好易中招, 我一家三口都病咗, 齊齊睇醫生
回覆刪除[版主回覆01/12/2009 21:28:00]我老公都今日都發病啦,好在abby仲ok咋~
呢排天氣凍o左好多，要好好保重呀！
回覆刪除[版主回覆01/12/2009 21:28:00]你都要小心呀~
少啲出街,休息多啲啊~ 希望bb唔會有事啊~
回覆刪除係呢你講個位靳醫生係咪荃灣個位呀?
[版主回覆01/12/2009 21:29:00]暫時bb都ok~
我睇開靳醫生尖沙咀既醫務所,唔知佢係咪荃灣都有喎~
希望你快啲好返啦
回覆刪除[版主回覆01/12/2009 21:29:00]今日好好多啦~
係呀, 我老公以前從來都唔睇醫生的, 而家一起就去睇喇~~ 你要飲多d水呀, 休息多d, 好快好返晒架喇~~
回覆刪除[版主回覆01/12/2009 21:30:00]我同你老公都幾似,我以前都係唔睇醫生由佢慢慢好架,不過宜家唔得啦,要快d好番所以一定要去睇醫生~
人奶媽如果病都有好處，因為身體會產生抗體，然後喺人奶中轉俾BB。我個時病親都係咁諗，係咪好阿Q？
回覆刪除祝你早日康復。
[版主回覆01/13/2009 21:43:00]希望真係咁啦~
媽媽最怕孩子病！
回覆刪除[版主回覆01/13/2009 21:43:00]係呀,所以雖然abby只係少少鼻水同鼻塞,今日都同佢去左睇醫生啦~
BB仲有抗體還好，媽媽通常休息唔夠反而容易病，真係要好好休息至好！
回覆刪除[版主回覆01/14/2009 21:10:00]不過其實都好難休息得夠~