過新年做足準備

話慳話慳,今日就大出血勒~

今日又係半年一度去見牙醫既日子,已經預左要洗牙,點知發現有隻蛀牙,雖然只係好細微,一d都唔痛,不過我都決定補左佢,防範於未然麻,以免第日受牙痛之苦啦...就係咁放低左一千大洋~

去開中環當然唔可以放過唯一有童裝部既H&M啦~其實我本來係想去睇下自己既衫,諗住買新衫過新年既,但係見到d衫就覺得著左上身都唔會靚(因為自己仲好肥),結果一d收穫都無...但係就買左6樣野俾囡囡:

紫色長袖上衣 $49.9 --> $24.95 (5折)

碎花長袖上衣連長褲套裝 $$129 --> $38.7 (3折)

紫色針織外套 $129 --> $64.5 (5折)

小熊維妮登芯絨長褲 $129 --> $64.5 (5折)

小熊維妮長袖body $79.9 --> $39.95 (5折)

Hello Kitty襪褲 $59.9 --> $17.97 (3折)

呢度咁多件都係用左$250.57咋,我覺得好抵呀,而且款式都好靚,唔買好似對唔住自己喎~其實我好少一次過買咁多衫俾abby既,而且宜家無咩時間shopping,通常都係上網買,1件起2件止...係今日忍唔住買咁多咋~

另外我仲見中環有條巷仔好多過年衫賣,最後我係一間上樓店買左一件桃紅色既唐裝body俾abby,$89都叫ok啦~睇黎abby買新衫過新年都夠晒勒~

番到屋企吳爸爸仲以為我去左H&M買新衫俾自己,點知原來成袋都係abby既,即刻俾吳爸爸話我點解唔買野俾自己喎....其實我諗呢個應該係作為媽媽既通病,都係將d錢用晒係BB身上而慳自己,不過我諗我都要係新年前裝下身,但係唔知仲有無時間幫自己執下個樣~