家長茶聚暨家長學堂 - 管教子女技巧

星期六雖然係入冬以來最凍既一日,不過我都要帶囡囡返育嬰園,因為今日我同吳爸爸都參加左育嬰園舉辦既家長茶聚暨家長學堂~~

不過我地都比平時晏左起身,9點3先返到育嬰園,因為活動10點先開始,所以我地兩口子就去食個早餐先~

今日咁多出席家長當中,就只有abby係最細,園長都同我講話abby仲細,今日講既管教子女技巧我未用得著,不過學定都o岩架啦~我都係咁諗,有野學又唔使俾錢,當然要去聽下啦...不過吳爸爸就係度釣晒魚,佢話佢一上堂就會咁架喎...哎呀,abby千祈唔好學爸爸咁上堂釣魚呀~

原來今次係第2次既家長學堂,第1次係講蒙特梭利教學法,希望佢會再講啦,因為我都好有興趣知多d~

而今日既題目就係管教子女技巧,首先園長俾我地睇一段片,佢話係05年明珠台播既其中一集BB保你大(Super Nanny),話好有啟發性,個案中既媽媽一個6歲哥哥同2歲弟弟,哥哥無禮貌時常同父母駁嘴,弟弟就唔肯自己一個瞓覺,晚晚都要同佢糾纏2-3個鐘先瞓,真係睇到都覺得好頭痛~分享完園長就教下大家一d簡單技巧

1.忽視法:呢個主要用黎戒除不良習慣,每次只針對一個習慣,不要多個習慣一起用,因為小朋友會混亂的~~例如擲波,每次擲波就不要理會,不幫他拾,走遠,也請身旁的人配合,那麼經過幾次,小朋友就不會擲波了~

2.讚賞法:用黎鼓勵小朋友增加該良好習慣,例如收拾玩具...可以用語言讚賞(不要只說叻和乖,要具體說清楚是什麼事情,如:你收拾了玩具非常好呀)又或者是實際獎勵,例如獎食雪糕~~

3.斥責法:不是大聲喝罵那種,而是用比平時低沉的聲音+堅定的語氣+簡單扼要的陣述(不要長篇大論說道理)+蹲下與小朋友同一視平線說話,這樣是要小朋友清楚明白事件嚴重性,不可再犯~

4.Naughty Mat應用技巧(適用於2-10歲):當小朋友犯錯又不承認錯誤,先用斥責法提出警告如再犯就放在Naughty Mat上,放多久視乎年齡,2歲2分鐘,10歲10分鐘~~放上Naughty Mat(Naughty Mat要放在讓小朋友覺得悶悶的一角,周圍不要有東西分散其注意)後家長就離開,到夠鐘就去接番小朋友,如小朋友不依走出來,家長就抱回去Naughty Mat....此方法主要是讓小朋友的情緒穩定下來,之後回去小朋友通常已經知錯,那麼家長就要小朋友懂得道歉,然後送上愛的擁抱~

最重要是父母教導要一致,以身作則,持之以恆...希望將來我真的不會手忙腳亂,好好教導abby,也希望abby不會是個難教的小朋友~

最後就是家長茶聚時間,我們分開3組,荳芽組的家長一組,由負責荳芽組的姐姐帶領,大家都向姐姐詢問子女在育嬰園的情況如何,又說自己小朋友在家的情況等等,希望姐姐給予意見...而abby因為最細也沒什麼特別東西要詢問,所以我多聆聽其他家長遇到的難題...看來現在的囡囡是最易照顧的階段呢~~非常欣賞茶聚時間的交流,下次我也一定會繼續參加...而且我們真的有茶點吃,讓我想起自己讀幼稚園時的茶點時間呢~