年初三係屋企無咩做,決定試下開包米糊進行試糊行動~~
可惜首次行動失敗：
1. 開糊失敗：
包裝說明(雖然係日文,不過我都睇得明既)話4個月既BB食就用25ml熱水或者奶開1.3g米糊...不過1.3g真係好少,少到我本來想搵個磅量份量都無用,因為最細格都係指5g...結果我好少咁倒左半茶匙,再加15ml熱水同10ml人奶(因為資料話人奶有油脂成份會令米糊變稀,所以解決方法係用熱水開再加人奶...如果用奶粉水開係無呢個問題既)...唔知係份量太少或者係水太多,開左出黎真係好稀,完全唔覺係固體食物,似奶水多d...我嘗試加多少少米糊,不過情況無改善,依然係咁稀,睇黎下次要落少d水先得~
2.進食心情影響：
開完米糊之後諗住俾囡囡食,點知佢咁岩呢個時候係度喊,喊緊其實不宜進行試糊行動,不過都開左,如果等既話咪凍晒lor...所以都係照餵~可能係咁所以食得唔好~
囡囡第一次用餵食匙食野表現都算可以,都肯食幾啖,不過從囡囡既面部表情同反應,佢好似唔多鐘意食d米糊喎,雖然食左2啖就開始唔喊,不過個樣都係"拿"埋晒咁,好似覺得唔好味咁呢~~
我餵左4,5匙見左囡囡反應就停勒,佢宜家都係鐘意食媽媽奶多d,不過我會繼續試糊行動,希望下次有進步~
其實今次都有拍片架,不過因為拍得太長唔識cut短,而且都唔係食得好好,所以就唔post啦,等下次好d先俾大家睇啦,哈哈~
其實放新年假, 無 mud 野做, 我都有諗過比囡囡試食米糊, 不過諗下都係等佢 5個半月大先開始.
回覆刪除[版主回覆01/30/2009 00:38:00]因為嬰園都係5個半月開始試糊,咁我要係之前準備定先,等我自己都了解下情況麻~
噤快就食糊仔啦? 唔係六個月先開始咩?
回覆刪除噤快就食糊仔啦? 唔係六個月先開始咩?
回覆刪除[版主回覆01/30/2009 00:40:00]其實4至6都可以開始架啦,不過6個月bb腸胃發展就會成熟d...咁我宜家都只係試少少,而且今次都唔似糊仔,都開到好似水咁稀,就當俾囡囡試下用餵食匙食野係點lor~
我都就快比我女女食啦...
回覆刪除咁宜家你女女鍾唔鍾意食呀??
[版主回覆01/30/2009 00:40:00]個日睇佢就唔太鐘意lor,不過可能係我開得唔好,所以要再試下~
可以上you tube upload wo, 好似無限長短架
回覆刪除第一次糊仔~~good try架喇, 你有無買pigon既bb匙更呀? 係軟膠來的, 俾bb大力咬都無問題, 其實糊仔開成點都無問題既, 因為最初都係俾bb習慣匙更同埋佢地都要訓練下自己既咀嚼運動, 我覺得已經唔錯架喇
[版主回覆01/30/2009 15:15:00]有呀,我上一篇講準備篇都提到買左pigon既餵食匙,我都幾欣賞佢既設計~其實我都係諗住等abby feel下咁樣食法,其實佢都食到,不過好似唔鐘意d味道~
我都係upload上youtube,不過唔想post晒咁長既video,但係又唔識cut短,所以唔放lor~
我以前都係用人奶開米糊，開好糊狀之後，唔使三分鐘就會變得好稀，好似水咁。
回覆刪除[版主回覆01/31/2009 23:35:00]咁你有無咩解決方法?
我之後用水開咋，因為用人奶開真係太稀，稀到根本餵唔到。
回覆刪除[版主回覆02/02/2009 15:26:00]咁你一d人奶都無加呀?