今日起身個肚唔多舒服,精神又麻麻,於是請左病假休息下...一瞓就瞓到成點先醒,有時真係要請下病假俾自己回復狀態~
晏畫出去睇完醫生就去買餸,不過因為老公聽日有公司有野整唔方便帶飯盒,因為唔使準備佢份午餐,所以今晚只打算煮兩味餸~
富良野咖哩薯仔雞只不過係因為屋企有盒日式既咖哩,呢盒咖哩真係係北海道既富良野帶番黎既,盒面大大隻字寫住富良野架...哈哈,就係呢個理由所以就叫呢個名lor~今次用左老公最喜愛既雞胸部位黎煮....其實我都係鐘意食雞腿肉多d,始終都係嫩滑d,真係唔明點解老公會鐘意食雞胸?
菜心炒牛肉:另一碟咪炒菜lor,健康d麻....不過我又加埋牛肉一齊炒,始終齋菜好悶既,原諒我啦,哈哈~
呢餐成本價三十,食得好飽好飽~~~
*************************************************************
溫馨提示:
吳家吾居正進行私有化工程,不過只限有樣貌或私人資料既網誌....基本上吳家食品唔會受影響(即係無add你都可以睇既)....不過如果想睇埋我其他網誌就留言俾我add你啦~
好大盤咖喱！妳無乜事丫嘛？病左唔好煮，休息多o的
回覆刪除見妳又要煮飯又要煮粥仔，真係覺得妳好勁！
[版主回覆04/22/2009 22:01:00]醫生話有少少腸胃炎喎,不過個肚已經無咩事....只係我淥親個隻手指就真係幾痛lor~~
其實老公都叫我唔好煮架啦,不過因為之後幾日都唔會煮,所以今日都係想煮下lor~
初初未使煮粥仔時我都驚煮唔切,不過宜家又ok左,但係又真係要好快手,所以唔可以成日同abby轉新口味lor~所以一d都唔勁,遲下你都係咁架啦~
我都係LIKE雞脾肉多D..我老公又係LIKE雞ZONE
回覆刪除[版主回覆04/23/2009 22:23:00]其實咁有咁既好,佢食雞胸,我食雞腿,唔會爭呀麻,哈哈~
I like 雞胸 too! 雞腿肉 dun have tough texture. Totally understand why your husband like it. Haha.
回覆刪除[版主回覆04/23/2009 22:23:00]係?原來你都係雞胸fans,不過我成日都覺得d肉好鞋咁,可能真係口味唔同~
你個女日頭是比人照顧嗎
回覆刪除[版主回覆04/23/2009 22:21:00]係呀,囡囡番左嬰園麻~
嗚嗚,你係咪話埋我呀!我都勁鐘意食雞胸架,
回覆刪除你病了仲煮咁多野,應該好好休息嘛!祝你身體早日康復,病菌遠離你
我想講你煮的兩樣餸,我也喜歡吃的啊
[版主回覆04/23/2009 22:21:00]係咩,雞胸真係咁好食?但係我點食都係鐘意食雞腿喎,真係口味呢樣野好難解~~
我地請一日病假都要有醫生紙架，所以有時少少唔舒服都唔可以請假，嗚............
回覆刪除[版主回覆04/24/2009 23:12:00]我都係架,所以咪要去睇醫生lor~~
我公司無病假，死都要爬返公司呀！諗起都覺得慘呀！
回覆刪除[版主回覆04/24/2009 23:12:00]無病假?唔得架喎,勞工法例應該要有病假架喎,唔係咩?