因為今日要安裝冷氣,於是要搬開晒d野俾個空間師傅進行安裝...一朝起身聽到滴滴達達既聲音,仲以為落雨....點知當老公拉開冷氣機個邊既窗簾(呢個窗簾基本上係唔會開既)就發現左整壞冷氣機既真兇啦~~~~~~佢就係一對鴿子!!!!!!!!!!!
原來我錯怪左豐澤牌啦,部機之所以壞係因為機頂有個鳥巢呀)))))))))真係發夢都無諗過會有對鴿飛黎吳家既冷氣機築巢....就係因為佢令我白白無左二千蚊,離晒大譜呀~~~~~~~
你地睇下佢個巢,用左咁多樹枝,仲跌晒入部機度,部機唔壞就奇啦~老公想趕佢走,佢仲打開晒對翼黎凶吳爸爸呀~~~老公話有兩隻,係一對黎架....唉,做咩要整壞我部冷氣黎整你地個愛巢呀!!!!
老公話如果佢係燕子或者都唔會趕佢走,不過佢係鴿子就無得留低啦....最怕佢有鴿蛋或者鴿BB係度咋....不過放工番去睇時佢地唔係度,亦都無鴿蛋或者鴿BB,我地就拆左部機啦~
我最怕隻鴿會係新機上面再築巢,老公話呢排未開冷氣期間要睇緊d,到夏天時晚晚開冷氣就唔使怕~老公仲話好彩換機,唔係無啦啦因為開冷氣有禽流感就麻煩喎,咁都俾佢諗到,真係無野講~
其實如果因為咁而令部機壞左,保養包唔包整番好呢?有無人可以解答到呢?
我好驚呢d衰鴿嫁, 唉, 有次佢地在我廚房出面企係度休息, 好在我地不會開大個廚房window咋, 真係唔受歡迎動物黎嫁, 我最驚咀尖有腳爪的動物了
回覆刪除[版主回覆04/10/2009 16:29:00]d鴿咁大隻怕且都唔會飛入黎既...不過整壞我部冷氣已經罪無可恕~
嘩。。。 真係咁都有。。。真係好驚呀！
回覆刪除[版主回覆04/10/2009 16:29:00]咪係,諗都無諗過會係咁~
嘩，真係好大隻鴿喎。
回覆刪除[版主回覆04/10/2009 16:29:00]係呀,超大隻~
你試下用網ＣＯＶＥＲ上面的位置等佢地不可再飛進啦。。
回覆刪除我地以前都有這問題， 不過ＣＯＶＥＲ了後就好好多啦。。。
[版主回覆04/10/2009 16:30:00]都係好辦法...不過點樣整既?
估唔到你地受到鳥巢困擾, 隻鴿又真係幾大隻喎!
回覆刪除[版主回覆04/10/2009 16:31:00]係呀,真係估唔到會有d咁既事~
原來係佢哋。
回覆刪除我屋企部細房都係用豐澤牌，八年都未壞呀，不過我哋唔係成日開。
[版主回覆04/10/2009 16:31:00]用左8年咁耐?咁睇黎我大廳個部應該都仲捱得下~
貢都有既? 有冇問過保養包唔包呀?
回覆刪除[版主回覆04/10/2009 16:32:00]無問呀...都唔知點開口問喎~
即係你屋企好溫暖舒服囉, 可以吸引到禽鳥築巢...
回覆刪除不過好彩早發現, 否則佢地d菌吹入屋都幾大件事....
[版主回覆04/10/2009 16:32:00]你都要留意下呀...原來都好多人有咁既情況~
又會o甘o既，原來鴿鴿係元兇，o甘你平時o係屋企，有無聽到鴿o既叫聲呀！
回覆刪除換o左新機之後，記住時不時留意o下，唔係又比D鴿整壞呀！
[版主回覆04/10/2009 16:34:00]有時朝早會聽到雀仔飛黎既聲音,不過點都無諗到呢度會有個鳥巢~
星攝影 Star Studio
回覆刪除兒 童 主 題 造 型 攝 影 (BB-10歲男女童，合家照)
更多圖片 >> www.starstudio.hk
預約電話︰3188 4648
嘩....好得人驚呀~~
回覆刪除咁都有既??
[版主回覆04/10/2009 16:34:00]真係講都唔信呀~
嘩...唔係卦~~??
回覆刪除嘩...唔係卦~~??
回覆刪除[版主回覆04/10/2009 22:08:00]就係lor...真係唔到你唔信~
點解燕子唔趕呀??
回覆刪除[版主回覆04/10/2009 23:27:00]老公話有燕子黎築巢表示幸運來臨,二來燕子巢有燕窩麻,哈哈~
"老公仲話好彩換機,唔係無啦啦因為開冷氣有禽流感就麻煩喎"===>你老公自我安慰中囉...哈哈!!
回覆刪除[版主回覆04/11/2009 23:37:00]佢成日都係咁架啦....哈哈~
"老公仲話好彩換機,唔係無啦啦因為開冷氣有禽流感就麻煩喎"===>你老公自我安慰中囉...哈哈!!
回覆刪除真係要買六合彩
回覆刪除[版主回覆04/11/2009 23:37:00]其實我老公期期都有買,不過又唔中喎~