囡囡以前只食媽媽奶,我帶佢出街只要準備一條餵奶圍巾就可以,唔使好似其他媽媽咁又奶粉又奶樽又熱水壺咁...所以好多時大家都話我個媽媽袋好輕便~~
後來轉左食糊仔,我都只係帶包米糊粉,碗仔同匙羹就可以,尚算輕便....不過宜家囡囡轉左食2餐粥仔,我好想帶埋粥仔出街俾佢食,於是就想買番個保溫飯壺/水壺用黎裝住d粥仔出街....不過睇過都知唔平,cheap cheap地都要百幾二百蚊~
今日去開黃埔我就睇下吉豬島有無好野,結果俾我見到Buffalo保溫水壺(0.3L)大特價$50(原價$259),又見到吉豬島既日本自家品牌出既保溫飯壺連保溫手挽袋只係賣$79.9....真係好抵買,於是就買左勒,當係囡囡7個月大既禮物啦,哈哈~
最正係個buffalo水壺可以同飯壺一齊放入個保溫袋添,真係好似一set咁fit呀,而且都依然算係輕便架啦~~雖然我對佢既保溫效果唔大期望,不過應該都可以keep到幾個鐘卦,哈哈~
*************************************************************
溫馨提示:
吳家吾居正進行私有化工程,不過只限有樣貌或私人資料既網誌....基本上吳B飲食唔會受影響(即係無add你都可以睇既)....不過如果想睇埋我其他網誌就留言俾我add你啦~
哈哈，妳成日都買到平o野o架喎，仲要又平又好
回覆刪除[版主回覆04/26/2009 12:08:00]咁多野要買,梗係搵到最抵又唔太差先買啦,我都hold左好耐架啦~
現在咪越黎越多野拎囉!一個人帶住ABBY會唔會好辛苦呢
回覆刪除[版主回覆04/26/2009 23:57:00]都係架,不過我都仲可以拎到既~
真係好親呀... :) 記住.. 用之前要煲d熱水放入去先... 到真係放粥仔/水入去時可確保d野一完熱呀!!!
回覆刪除[版主回覆04/26/2009 23:57:00]係呀,我有睇用法,都係咁寫~~
我上次買了個百多元, 都唔好用的, keep唔到幾耐...
回覆刪除[版主回覆04/26/2009 23:57:00]我今日用左,都ok喎~
我都係, 出親街都一袋二袋, 好大陣象ka
回覆刪除[版主回覆04/26/2009 23:58:00]我只會放晒入一個袋....不過你地有車就無所謂啦~
出街越來越大陣仗了.. 加油!
回覆刪除[版主回覆04/26/2009 23:58:00]係呀,拎埋d粥就重左好多~
又食物、又水、又衫、又尿片，帶阿B出街真係好似走難咁
回覆刪除[版主回覆04/26/2009 23:59:00]都ok啦...起碼我唔使拎住架bb車,哈哈~
食糊仔係多D嘢拎嘅！
回覆刪除[版主回覆04/27/2009 22:06:00]睇黎要拎到abby可以食街外野先得,哈哈~
依家同小朋友出街真係要帶好多野, 不過只要為左自己嘅小朋友, 做爸爸媽媽幾辛苦都得..哈哈. 我昨日去千色店都想買個BUPPALO保暖壺, 但個SALES話全線斷左貨. ..
回覆刪除你依家哩個OK 嗎, 保温時間長嗎???
[版主回覆04/27/2009 22:09:00]全線斷貨咁嚴重?不過我見吉豬島有好多選擇喎...就算係buffalo保暖飯壺都有特價,細既都係$148...你不妨去睇下~
我星期日用左啦,ok喎....飯壺放左個幾鐘我就開左出黎餵囡囡勒,so far依然係熱既....而個水壺更加掂,因為差唔多成6個鐘之後,入面既水依然係熱架~
真係好抵,
回覆刪除我依家都搵緊保暖壺, 但睇極都唔啱.
等我都去豬豬島睇下先.
[版主回覆04/28/2009 21:57:00]去睇下啦,都好多牌子選擇,有平又有貴,應該都可以睇得岩~
哈哈, 我都係响呀囡7個月既時候買咗一套保暖壺比佢, 我都係當佢做禮物呀~
回覆刪除[版主回覆04/28/2009 21:58:00]係呀,都係因為個女而買,唔係禮物係咩喎,哈哈~
buffalo保暖壺好好用~ 我都係用佢~ 由出世到家下同K BB出去都一袋二袋 , 可能我們係食奶粉... 所以K爸爸都唔多鐘意去太遠的地方~ 太多野又重!!!
回覆刪除[版主回覆04/28/2009 21:59:00]就算拎得少野,我地都少左去一d遠既地方架~