今日冷氣機送貨,一早就講左話最快6點後先會有人收貨...今朝收到吉之島送貨部電話話confirm 6-8點送貨黎...於是放工即刻返屋企,都無諗住去買餸,點知佢地真係好準時,5點10左右就打黎話已經到左屋企樓下...我仲係巴士度咋喎~
於是叫佢地等15分鐘,今次都係第一次唔係我等送貨,而係送貨既人等我,哈哈~
行到屋企樓下就見到大大架吉之島貨車,我咪走埋去問係咪送冷氣機lor...於是佢地就立即行動跟我一齊上樓勒,收貨過程唔使5分鐘,超有效率~~
跟機送既雪糕機都送左黎啦,係法國萬能牌雪糕機(1.6L),曾幾何時我都想用信用卡積分換架...估唔到宜家買冷氣竟然送左一部俾我,都好似要成$4xx架~
唔知呢個夏天我有無時間親自整下雪糕食呢?
沒有留言:
張貼留言