之前問老公9月去旅行慶祝結婚1週年紀念好唔好,諗下想去咩地方...最後老公話不如提早6月去,因為佢要6月清假...咁都好,於是提前左6月去旅行,不過我諗到9月既時候我都係會搵節目慶祝既....haha
我本來想去日本既大阪及京都,因為我只係去過東京,可惜老公中學時代去過,唔係太大興趣,仲開出條件要去陽光與海灘既地方...於是list左一大堆地點:
峇里島(由於99係印尼華僑,老公話去呢到有探親feel,唔鐘意)
沙巴(呢到就覺得比較貴)
浮羅交怡(呢到要轉機,話麻煩)
蘇梅島
雖後選定左samui島,佢係泰國第3大島,無布吉/芭提雅咁多人去,不過亦係熱門之選,而且d酒店亦好多唔錯既選擇,其實都係好多人honeymoon既地方之一
首先當然要了解下book邊間酒店同價位啦
本來想book間豪少少既,就係SALA Samui既garden pool villa啦,大家去佢個website睇下d villa係幾咁靚就知係好野( www.salasamui.com ),價錢我都覺得acceptable架,就係$4999,包機票酒店,4日3夜,之不過當老公見到有d只係3千幾既package就話太貴,想留多d錢到時使喎,就唔俾我book呢間啦
咁我唯有係d中價既埋手啦,結果又shortlist左幾間俾老公選擇,結果Pavillion得到老公既芳心,決定book佢個superior spa room ( www.pavilionsamui.com ),大家去佢個website睇下,都唔錯架
經我搜集資料,昨天放工後諗住去「安達滿FUN遊」book 個4日3夜既package, $3399 per person,6月21日出發...點知21號出發既係6日5夜既package,堅持要4日既話要24號出發,由於唔係我地心水出發日子,我地都猶豫起來....結果我們就去其他旅行社再查問,看看是否有其他選擇
其他的不是酒店選擇少,就是價錢太貴,或是機位問題...正當決定改24號出發之際,我們去了最後一間「新華旅遊」查問,結果他的package完全符合我們所有要求,價錢還與「安達滿FUN遊」相同呢...我之前格價時就是沒有問新華,老公說我今次失了手沒有一早拿到新華的資料...不要緊啦,最後也book到心中想要的
機位是沒有問題的了,今天只待酒店那邊confirm booking便可...這時候是我計劃行程的階段了,如大家有任何推介,不妨留言以供參考,多謝多謝
我去samui度蜜月o架！想知詳情，快o的去我個blog睇下啦！
回覆刪除看你那麼興奮籌備你的 samui trip 都替你開心 希望你們在那邊真正 enjoy 並且帶更多的照片回來給我看哦
回覆刪除我剛過咗o既三月都同我愛人去咗蘇梅, 個感覺好好!! 呢個地方唔似芭提雅咁多香港人, 又冇布吉海嘯後嗰種淒涼感覺, 亦都冇旅行團會去, 所以我好鍾意呢個地方, 而下個禮拜我會同愛人、朋友一齊再去多一次。其實我去呢個地方已經做咗好耐research(由舊年六月到而家未停過), 我想同妳分享吓我o既點滴!! 我都好鍾意SALA Resort, 你可以嚟我個blog度睇有2張SALA泳池同沙灘o既相, 啲水好清架, 個沙灘又靜, 我原本今次六月個trip都想住架, 但係我啲朋友又覺得成HKD$1300一晚好貴喎, 所以今次都係暫時擱置, 下次再去住過啦!! 妳話會去四日三夜, 妳應該係搭PG呢, 毫無疑問係最方便(因為直航), 但係最敝係佢啲實際活動時間得兩日半時間可以玩, 對我嚟講當然唔夠呢。我三月去o既時候用咗一日去潛水, 根本就唔夠時間行哂呢個蘇梅, 只係走馬看花睇咗五份三個蘇梅, 仲要係楂電單車先可以咋。 我知道你哋今次會住pavilion, 你地間酒店唔算好偏僻, 如果每一次出入都搭"song tel"會好貴仲要好難先有, 由你哋酒店到最旺市中心Chewang Beach一程每人大概要100-150 bhpt(夜晚會再貴啲), 所以我都建議你哋如果有私家車牌就租架jeep去環島遊, 費用大約係800-1000 bhpt一日, 又或者有個經濟啲方法租電單車, 有冇牌都租得, 價錢大約係200 bhpt(全自動), 150 bhpt(半自動)。基本上泊車非常方便, 周街都泊得(只要唔阻街, 再唔係人泊你又泊都得), 油錢又平, 我上次楂咗一日都唔使HKD$20再架埋租車錢都係HKD$40-$50到就已經可以環島遊。 如果你再有興趣可以去以下呢個網址睇睇: www.sawadee.com , 我遲啲返嚟都會將蘇梅o既旅程响blog同大家一齊分享, 有興趣都可以一齊分享吓架。 祝你同你honey有一個愉快o既旅程。
回覆刪除Poohmun 多謝你既留言...好有用....我都知交通會麻煩d 不過我同老公都唔識開車,真係可以租電單車?
回覆刪除