今天吳爸爸說想早點出去看世界盃,叫我不用煮飯給他,而我經過連日的大吃大喝也打算今晚不吃飯,所以只弄了個烏冬給囡囡吃!
不過想到今晚囡囡睡後有時間,便想包上海雲吞!其實已經想包很久了,可是一直未有去買雲吞皮...今天到街市剛好經過粉麵店,便買了$2.5圓形上海雲吞皮!於是順便買了半斤白菜($5)和一盒免治豬肉($8.3)做餡~
還記得很久之前弄過一次包雲吞,那次包得很醜....這一次我終於覺得包得不錯,可以見得下人!四兩雲吞皮原來只包到20隻雲吞,所以還剩下一半的餡料,決定明天再買多四兩雲吞皮把這些餡料包好~
包好了忍不住淥了4隻來吃,自家包的雲吞果然是份量十足,又可以控制肉和菜的比例..今次我做的就是菜比肉多,每隻看不多餡料,原來煮熟以後便看到滿滿的餡料!雲吞皮也夠薄,單看賣相我已經相當滿意!
天氣熱不放湯吃了,下了點鎮江醋,用乾撈的食法...吃下去覺得實在好好味,吃得相當滿足呢!
包得好靚呀, 讚!
回覆刪除[版主回覆06/22/2010 01:15:00]我都覺得自己今次包得唔錯,老公番黎見到都大讚話包得似出面街賣個d雲吞呢~
回覆刪除嘩！靚到好似街賣的咁，賣相一流啊！
[版主回覆06/22/2010 23:36:00]多謝多謝...其實都唔係好難包,試多幾次就ok架啦~
真的很靚啊, 想問下D餡料如何處理才不會"鞋"口? 我次次都覺D肉碎好硬啊!
回覆刪除[版主回覆06/22/2010 23:38:00]um,其實我自己包個d都有少少鞋口,不過因為多菜少肉關係就唔係太明顯~
我就會醃肉時將d肉絞成膠,餡料mix好後打隻蛋再拌勻一次,等d肉無咁鞋~
嘩~包得好靚啊~~~
回覆刪除[版主回覆06/22/2010 23:39:00]哈哈,今次真係算包得唔錯~
Yeah, 連包法都一樣既？點鎮江醋都好好味喎！
回覆刪除[版主回覆06/22/2010 23:39:00]我諗呢個包法係最大路既,哈哈~
係呀,我好鐘意配醋一齊食架~
嘩......我以前都跟媽咪包過一次，不過啲味始終冇出面街咁好味，應該係咪調味方面出問題
回覆刪除[版主回覆06/22/2010 23:43:00]街食當然好味,不過自己包其實感覺唔同,食落味道可以差唔多,但係感覺係足料D,滿足好多架~