昨天包好了16隻雲吞,今天放工再去買多$2.5雲吞皮,把餘下的餡料包好,所以又包多了16隻!我初步預了每人8隻的份量,結果囡囡吃了7隻,我把囡囡剩下的1隻吃掉,所以我其實吃了9隻雲吞!
我已打算今天將雲吞做成紅油抄手,不過吳爸爸要求配辛辣麵吃,所以他自己煮了個雲吞辛辣麵,吃完後他說飽到上心口!
而我則維持紅油抄手做晚餐,原來紅油汁料是很容易弄的!
紅油汁料 = 水(3湯匙) + 生抽(1湯匙) + 糖(1.5茶匙) + 鎮江醋(1茶匙) + 麻油(1茶匙) + 豆辦醬(1茶匙) (份量只供參考,建議調較至合自己口味)
我自己比較愛吃用醋來配雲吞,所以我自己再加多了點鎮江醋...雖然吳爸爸沒有吃紅油抄手,不過他也試了汁料的味道,他說如下次弄給他,他想要辣一點,即要加多些豆辦醬!
只要燒熱鑊,下油炒香蒜蓉,再下紅油汁料拌勻,煮滾後淋上雲吞面,灑上蔥花即成!
我從來沒想過原來自己做紅油抄手是這麼容易的,以後又多一味特色食物可以弄了!
原來咁易做...... 我都好鍾意食紅油抄手的, 多謝你的食譜, 我相信到左七月我沒有那麼忙時, 一定會弄一餐雲吞食品啊!
回覆刪除[版主回覆06/24/2010 01:29:00]係呀,原來就係咁簡單!識整之後我覺得都唔使出街食,哈哈~
夏天食雲吞其實幾好架~
我都好喜歡食呢個...
回覆刪除[版主回覆06/24/2010 01:28:00]最衰你唔煮野食,一係叫婆婆煮啦,哈哈~
真係好睇又好食，搞到我都想整番份，不過首先我要學識包餃子先！
回覆刪除abby食到7隻雲吞，都幾刷得喎！
[版主回覆06/24/2010 01:28:00]整啦,天氣熱唔想食飯,雲吞係個好選擇~
包既野都係隨意,我之前都包得好醜,不過淥熟左個樣就無咁樣衰,所以唔怕架...而且都係自己食之麻~
abby一向都好為食架,要預佢食一個大人份量架~
系度想：“我添日要唔要整返餐？”
回覆刪除[版主回覆06/24/2010 01:26:00]天氣熱唔想食飯,其實食雲吞幾好...快d整啦~
一個bb食七隻....我食餃最多都係八隻咋....勁!
回覆刪除[版主回覆06/25/2010 01:02:00]咁你細食啦,我細個閒閒地食廿隻架~
紅油抄手我都好鐘意食,原來唔難煮,真係要學下先得
回覆刪除[版主回覆06/27/2010 21:45:00]快d試下啦~