今天放工還在下雨,所以都沒有去街市而直接回家~
雖然昨天又多包了雲吞,不過還是有一點餡料剩下,但應該包不到3隻...但不要又有點浪費所以還是留起來...終於我決定在樓下的裕記買包豆干($3.5)配來炒,便得出這個清新小菜!囡囡今晚主力吃這個,吃了三分二呢!而我和吳爸爸也覺得好好味!
雖然已經吃了2日雲吞,不過因為還有9隻在冰箱,所以今晚繼續!雲吞其實可塑性非常高,今天決定煎來吃,感覺又有點不同,香口好多!而配上的汁其實就是昨晚弄的紅油汁料,因為我又留起了,今天用來配煎雲吞和煎腸粉剛剛好!
因為只有9隻雲吞,我怕吳爸爸會不夠飽,所以在裕記買了2包腸粉,只售$4!今晚煎了1包,1包有10大條,好抵!
平常會用XO醬來煎,今晚用上紅油汁料效果也很不錯,吳爸爸也讚好,而且非常飽呢!天氣熱不想吃飯,其實弄幾款小吃當晚餐也很不錯!而且今餐只是花了$7.5,非常化算!
真係得閒整定堆雲吞都幾抵玩又抵食, 你真係包得好靚
回覆刪除[版主回覆06/25/2010 01:05:00]係呀,我都覺得幾好,成本低又夠飽....
其實你地好細食喇! 俾我老公..一定話唔夠飽呀!
回覆刪除[版主回覆06/25/2010 01:04:00]唔係喎,d腸粉真係幾飽肚架~
沒想過將這些小吃當正餐吃。
回覆刪除[版主回覆06/25/2010 01:04:00]久唔久試一次半次都幾好架~