今天觀課後接囡囡放學,我看時間尚早便和囡囡去了ThreeSixty閒逛,因為可以坐那個兒童汽車購物車!我在後面推著,囡囡坐在玩具車內揸軚盤很高興!
時間早有點好處就是原來ThreeSixty是有試吃攤位的,看到一個介紹日式布丁的攤位,我和囡囡便試吃了!本來我不打算買的,只是無聊試吃一下,而且定價$16一樽很貴!
我們試的是原味焦糖布丁,味道不錯也算滑,囡囡當然愛吃...不過吃完我便走了!但我卻聽到現在做推廣買二送一,即是3樽才$32,平均一樽$11....其實我是依然覺得貴的,不過我卻看中了這個裝有布丁的玻璃小樽!
其實我一直也想買這款布丁玻璃小樽,不過因為我比較少弄甜品所以也不熱切去找,但是每到有可能買到的地方時都找不到,是有點失望的....我在想其實單買一個玻璃小樽也要預$7-$10一個,現在$11有布丁又有小樽應該算抵....於是我便折返再看~
這時我試了另一款口味,是北海道紅豆綠茶味,而推廣員也再給囡囡一小杯原味布丁...那個綠茶味我不太喜愛,而另外還有一款是朱古力咖啡味,但我沒有再試了....看到囡囡那麼愛吃原味,便買了3樽回來!其實大家覺得抵唔抵?我其實想要6個樽仔,還在想是否買多3樽回來或者其實自己去買樽比較便宜?
回家後找些Kami布丁的資料,原來是ēpöch新推出市場的產品呢~
其實如果有人買左唔要個樽仔可以俾我喎,哈哈~
好可愛的瓶子，你打算怎麽用呀？有時後我也會爲了packing才買貨物呢～
回覆刪除[版主回覆06/26/2010 00:04:00]我就係想用個樽黎整甜品...夏天麻,遲d應該會搵d時間整下甜品~
我唸都ok 化算呀! 而且個樽又有蓋, 幾好吖! 不過你睇下易唔易清潔先再買吖..
回覆刪除[版主回覆06/26/2010 10:46:00]應該都唔難洗,個口好寬下架~
先排我先在market place買左10幾樽請同事食, 不過好似牌子唔同, 都係$16, 買2送1 , 不過我 d 同事掉晒 d 樽了..
回覆刪除[版主回覆06/26/2010 10:47:00]嘩,十幾個樽都唔要咁side呀,俾我咪好lor~
你幾時再買黎請同事食呀????到時記住留起,我lunch time黎拎!!!!!
原來你想要呢啲樽呀，我之前仲有幾個掉咗添，下次有就留畀你啦!!
回覆刪除[版主回覆06/26/2010 10:49:00]哎呀,你又掉左呀.....搞到我好肉痛添~
留左記住話我知呀~
都唔算貴幾抵,最重要囡囡喜歡吃啊
回覆刪除[版主回覆06/27/2010 21:46:00]係呀,佢好鐘意食,我只係分得幾啖~
nice bottle, want to buy bottle to make by myself but those one from bakery shop is not nice. let me go to three sixty to have a look.
回覆刪除[版主回覆06/29/2010 23:27:00]係呀,個樽唔錯架,我想搵好耐呢~