今日無買餸,只係用廚房既物資弄晚餐~~煮左幾餐飯,聽日又同屋企人上酒樓做冬,今晚都係轉下口味食西餐啦~
雪櫃尚有半盒免治豬肉,我開左罐去皮蕃茄,咁就可以煮肉醬勒
意粉又炒下佢啦,淋上肉醬再加芝士拎入焗爐就搞掂~~另外因為仲有幾塊方包,於是就整埋飛碟啦...老公入門口見到有飛碟又有肉醬意粉食大叫好野,我諗佢食左幾餐飯好想轉下口味呢~~
食完晚餐都未夠8點,老公話想出去行下街,因為要為幾個聖誕派對買禮物...於是就去左海港城一轉,最後都買到一份,不過仍須努力繼續物色其他禮物~~
回家途經Haagen-Dazs醒起有張免費單球雪糕卷未換,於是換左個曲奇雲呢拿雪糕筒做甜品share食...雖然係單球,但係都好大球喎,仲好好味添...邊行邊食好開心呢
嘩!你住邊嫁?食左晚飯都可以去到海港城行街街咁好!
回覆刪除[版主回覆12/19/2007 23:53:00]吳家出發步行去海港城都係大約15分鐘左右啦...不過Elements會再近d...你估唔估到呀?
我都係今日同屋企人去酒樓做冬喎～～
回覆刪除[版主回覆12/20/2007 22:50:00]係咪去鴻星呀?
我今晚同屋企人去酒樓做冬呀............
回覆刪除[版主回覆12/20/2007 22:49:00]睇黎今日好多人做節喎~
嘩!港景峰你好有米!
回覆刪除[版主回覆12/20/2007 22:49:00]港景峰?我都想呀...邊有咁富貴~
我舊時有部飛碟機時成日整飛碟食呢..
回覆刪除不過而家無lu...
[版主回覆12/21/2007 22:35:00]咁點解無左既...壞左呀?
之前係香港有..
回覆刪除黎佐美國唔想買咁多野, 怕走時浪費..未無再買囉...
[版主回覆12/22/2007 22:42:00]啊,原來係咁~~咁唯有整烘多士啦~
hi, 吳太，無意中睇到你個blog，我好想學整野食呀！閒時成日睇大少奶個blog！haha！
回覆刪除我好like焗肉醬意粉，但買o個d 肉醬汁唔好食，我見你話用罐頭蕃茄，請問仲要落d 乜呀？同埋落芝士上面，係放什麼芝士ga？
[版主回覆04/11/2008 22:59:00]我都係落下鹽落下糖咁樣架咋,當然d肉都要調味架,再落d香草就係咁架咋~
芝士我用mozorella架~
唔該哂你呀！我會跟住整下！hehe
回覆刪除[版主回覆04/15/2008 20:44:00]唔使客氣,其實煮多d就唔一定要跟死d方法,或者係有更好煮法呢~