上映時其宣傳定位係回歸10年做主題既電影,不過睇完其實唔係好覺同回歸10年有太大關係,只係結尾用左近期清拆歷史建築物引起既集體回憶話題o者~我覺得《女人本色》講香港既著墨更多更好~~
我覺得呢套《每當變幻時》可以純粹當係一個女人由廿幾到三十幾歲既思想掙扎同心路歷程既故事~~今次係我睇楊千嬅同Eason演戲演得比較好既一套電影呢~
戲中既千嬅因家庭關係被迫於街市打滾,心中根本就睇唔起呢份職業,好想出外衝下...擇偶條件更以經濟條件掛帥,街市佬絕不考慮
,更定下目標要在30歲前出嫁~~
相信現實亦有唔少女性有千嬅既想法,其實都好正常既....不過有得必有失,人生邊可以你想點就點架~~有時係要作出取捨既,結果有事業無左愛情都係佢既選擇啦~
曾幾何時我都對事業有一番寄望架,不過人大左知道自己想要咩,就係開開心心生活~~而我想要既生活並非每日做十幾個鐘,無晒時間,就算俾十萬蚊我一個月,我都唔會做(雖然我好鐘意錢)....所以話呢d都係個人選擇,做人唔好咁貪心,又要呢樣又要個樣,樣樣有當然最好,如果唔係諗清楚自己最想要咩先最重要
要生活得開心、滿足現狀絕對唔容易, 希望妳每日都能繼續過得開心滿意
回覆刪除[版主回覆12/06/2007 12:53:00]係呀, 滿足現狀真係唔容易架,因為有時都想有進步麻~~所以不時要提醒自己,其實平淡是福~~
嘩, 我好同意呀!
回覆刪除俾我有好多錢,但冇晒時間,咁賺咁多又點? (雖然我都係好中意錢 )
早排我都曾經有過有關人生目標既爭扎, 唔知要發奮做事業強人好, 定係做返自己中意做既野好, 但最後都諗通左, 覺得自己唔係事業型既人。諗通左當堂冇晒壓力~加上老板都係支持work/life balance既人, 所以而加我日日都好開心,因為我經過一日既工作, 仍然有時間做自己喜歡做既事,唔洗響公司死做爛做唔知為乜!
[版主回覆12/06/2007 12:55:00]開心既定義人人唔同既,我唔排除有人係工作狂,佢無時無刻做野都好開心...不過我就唔係呢類人lor~
我嗰陣時睇完呢套戲之後都有好深嘅感受!!好多嘢都係講緣份同埋timing......好同意有好多女仔都會有阿妙嘅心態,因為我都係其中一個....其實得同失嘅定義係在乎你用一個乜嘢嘅角度去睇
回覆刪除做人最緊要係知道自己想要乜嘢,同埋識得將自己定位
知足常樂係好易講出嚟,但係好易會唔記得....
希望你永遠都咁幸福快樂啦~~
[版主回覆12/06/2007 12:57:00]我都同意緣份同timing好重要既,因為唔同階段既思想都唔同,會影響決定lor~~我成日都提自己要知足常樂架~
我都有睇 "每當變幻時"... 我覺得每個人都要接受不停的轉變... 否則只會自己唔開心.
回覆刪除[版主回覆12/06/2007 13:00:00]係呀,世界不繼變,人要不斷調節同適應...但係唔好勉強自己,唔係一樣會唔開心架~