大學同學阿雪約去南丫島行山,我當然鼎力支持啦~~雖然最後只係得我地4位女將(3位都係我既姊妹團成員黎架,因為唔齊人,所以係半個姊妹團陣容),不過無有怕,一於照出發
南丫島都好耐都去啦,坐兩點半班船,半小時就去到榕樹灣勒~~榕樹灣都有d特色小舖頭,我地既目的地係索罟灣,沿途見到d新奇既食物油鴨批,又見到人咁高既聖誕花呢....中途仲去左第一次踏足既 - 風采發電站~~
個風車真係好大個呀,行係佢下面望上去都有d驚架...大家都幻想緊如果塊風車葉跌落黎一定死梗~~哈哈,諗埋d咁既野,真無聊
最後五點半到達索罟灣,因為其中一位同學唔可以同我地食晚飯,於是就搭呢班船出番中環...而我地三個就再行左去模達灣個邊,見到間幾有情調既餐廳添~~
之後我地就去天虹食海鮮勒...今日天氣唔錯,空氣又好,行得好舒服,最重要係可以同朋友一邊傾計一邊行山,so relax~~
我都好耐冇行過山，因為我超級懶！！
回覆刪除[版主回覆12/11/2007 00:05:00]呢條家樂徑好易行架,當係為左去食海鮮lor
我都覺得南丫島好好行，好舒服，你哋有無食豆腐花呀。
回覆刪除[版主回覆12/11/2007 00:04:00]我地本來都想食架,不過因為o岩o岩食完雪糕所以就無幫襯到勒~
個風車係榕樹灣定索罟灣呀?
回覆刪除[版主回覆12/11/2007 00:03:00]近榕樹灣多d~
天氣涼涼地，最好就係行山嘞！最衰呢排唔得行啦！都好想去行o下呀！
回覆刪除[版主回覆12/11/2007 20:02:00]一班朋友一齊行真係幾開心架~