金壘餐廳@元朗八鄉

朋友新居位於元朗八鄉既村屋,當然係有車出入先可以住呢d地方啦~~就連今晚晚餐地點都應該有車一族先會黎食勒~

金壘餐廳 ~ 朋友話歷史悠久,已經營業近30年呢...今日呢度有個每位$168既泰式燒烤自助餐,其實唔算貴,食物種類雖然唔係好多,不過都ok架~~

但係因為仲要趕去新居收貨,所以都無叫自助餐而食晚餐,麪包用蒸籠上好得意~

魷魚墨魚汁闊麪菠菜汁:上星期食左墨魚汁飯,今日又試下墨魚汁闊麪啦~~雖然唔係話好好食,不過味道都唔錯~~

兩位男士都係食呢個扒西冷牛扒...見到件扒超大塊呢~~味道偏濃,不過卻是老公喜愛的口味,如果係我就覺得比較鹹勒~~

多謝朋友請客,呢度都百幾蚊一個餐架,同自助餐價錢差唔多呢~~味道可以,不過最特別都係個環境啦...有車真係可以去多d特別既餐廳,自己就真係唔會去勒~

今日去左2間餐廳都比較偏僻呢