我一向對韓片都麻麻地,個d催淚愛情片唔知點解會令我卻步,但係笑片反而唔錯~~就好似《我係金三旬》係我好鐘意既一套韓劇
~
想睇呢套戲沿於老公曾介紹既一套同名日本漫畫,我對漫畫一向興趣不大,不過個套《醜女大翻身》漫畫真係好好笑架
~~我唔知呢套電影係咪改篇自呢部漫畫,不過於條件反射之下,我不期然就覺得呢套電影應該幾好笑勒~~
故事係會令人聯想起《瘦身男女》+《下一站天后》....因為幕後代唱大肥妹去左整容,之後終於成為歌手,咁當然內裡仲有好多細節啦~~
但係我覺得佢並非單純既笑片,仲想帶出真正既魅力並不是單憑外表既塑造,那種發自內心的自信才是真正的魅力所在~~
催淚果然係韓片既拿手好戲,雖然話呢套係笑片,但係結局女主角於舞台上既剖白令人感動啊~
電影歌曲和配樂真的能令電影生色不少...女主角的歌聲還不賴吧
我都鐘意睇呢d，唔鐘意睇果d套套都失憶既韓劇呀！！有d白痴....邊得咁多黎失憶架姐？我媽咪話做左護士咁多年都未見過人地失憶！！
回覆刪除[版主回覆12/07/2007 12:49:00]係呀,就係呢類失憶愛情片,睇到佢集集都喊覺得好煩呢~
呢套我都有睇呀... 睇到女主角唔認佢爸爸果場... 個心好難受呀~~ 同埋佢唱歌真係好得喎~~~ 好佢肺呀~
回覆刪除[版主回覆12/07/2007 23:50:00]佢咁瘦邊巨肺呀~
你呢排真係睇o左好多戲喎！
回覆刪除我同你一樣，對韓國戲麻麻呀！
[版主回覆12/07/2007 23:50:00]梗係啦,要睇盡佢麻
我好鍾意睇呢套韓劇架, 好笑好感人好聽...good!!! 我仲學埋首慢歌 "Stars" 點唱添耶!!!
回覆刪除[版主回覆12/07/2007 23:51:00]你咁勁連韓文都識唱~~
妳呢排真係睇好多戲喎～～
回覆刪除[版主回覆12/07/2007 23:52:00]收費模式係會影響個人消費行為既...呢個就係一個好例子勒
睇完呢個試用期就唔會有咁多電影post架啦~
醜女大翻身套漫畫同呢套戲係無關既~focus都唔一樣添架~我兩套都中意睇!
回覆刪除[版主回覆12/07/2007 23:53:00]咁我都覺得電影內容同漫畫唔同,不過都一樣唔錯~~
韓國電影有不少是有水準的，電視劇就完全頂唔順，除了我都有追看的大長今，呵呵！
回覆刪除電影歌曲真的不錯，到現在還會偶然哼起，女主角也很漂亮呢！
[版主回覆12/08/2007 00:20:00]係喎,唔記得大熱既大長今添...不過我其實都係見咁hit先開始睇架咋...你有無睇過金三旬呀,真係好好睇架~
唔知女主角真人有無整容呢?
我對韓國戲麻麻地，反而近排無咩日劇啱睇就真！
回覆刪除[版主回覆12/08/2007 00:27:00]日劇點都係好睇d既...不過呢排電視都多數播韓劇,一係就台劇,日劇少左好多呢~
呢套都係我近來喜愛的韓片...
回覆刪除吳文忻既粵語配音都配幾好
舊D既韓片: 我的野蠻女友, 假如愛有天意, 觸不到的戀人, 八月照相館...等等都是我的喜愛
[版主回覆12/12/2007 22:39:00]你都睇好多韓片喎,我只係睇過我的野蠻女友咋~