今日老公約左朋友行山,本來我都諗住去行呼吸下新鮮空氣~~不過真係有心無力,我需要休息回下氣,結果早上同老公講我都係唔去行啦...最後我成12點先起身~~
好似好耐無煮飯,今日點都要入下廚...整下整下搞左成四餸一湯,似乎多左d喎
,當補番之前幾日無煮飯既份量...哈哈
新登場:吉列芝心薯仔波
呢碟用左2個薯仔整既,釀入左芝士再粘上麪包糠炸...炸得麻麻地啦,因為係芝心,唔可以炸太耐,芝士溶我勁會令個薯波爆開呢~~好彩個賣相都睇得下,點甜酸醬好好味,老公就鐘意點茄汁
由於盒龍脷柳成3塊咁多,所以整左2款菜式,用整薯仔波既麪包糠整左個吉列龍脷柳~
另外就係芝士焗龍脷柳,都算醃得唔錯,而且辟左腥味,所以連老公唔好魚都食左唔少
而洋蔥豬扒,今次整得好成功...上次得洋蔥好味道,而今次唔止洋蔥好味,就連豬扒都好鬆化...好開心呢,成功左啦
見無爐位煲老火湯,所以買左罐頭羅宋湯,原來幾好味架喎~~兩口子食到唔郁得呀!
你o地食西餐！ 好豐富喎！全部o既賣相都好靚呀！我諗梗係好好食嘞！ 好有興趣o果個芝士波，點整o架?
回覆刪除我都係鍾意個芝士波波(我好鍾意食芝士)，賣相十分好 最衰老公唔鍾意食芝士... ...
回覆刪除
回覆刪除Little Bunny :其實又唔係exactly食西餐,因為我都有煲飯呀,而且洋蔥豬扒都唔算西餐呢
JK :你老公唔鐘意食芝士可以釀其他野代替呀,例如粟米,咸牛肉之類都得架
制法如下:
材料
薯仔 2個 芝士粒 約12-15小粒
鹽 小許 胡椒粉 小許 雞蛋 1隻 生粉 適量 麵包糠 適量
做法 1. 薯仔去皮用水拾淋 2. 將薯仔壓成蓉 3. 加入鹽及胡椒粉醃味 4. 用手搓成小圓球 5. 釀入芝士粒(或者釀其他食物) 6. 輕輕撲上薄薄一層生粉 7. 沾上蛋液 8. 滾上麵包糠 9. 用中火炸至金黃色即可
謝謝分享，有時間試o下先
回覆刪除