百人一朱

本來今晚應該去飲既,不過出完外景好累啦...

而且之前打過俾舊同事問有無人去,約左幾時叫佢地話我知,我又收唔到通知,主人家又無打黎問我到唔到...咁真係大大減低出席既意欲...

加上老公今日已經係屋企悶得發慌(佢本來約左朋友既,點知被人放飛機),佢已經洗左機衫,熨埋仲摺好,掃左地,洗左浴室,仲抹左客廳既窗...好有效率啊如果夜晚又唔理佢,佢點算呀???

仲有心中既矛盾都未100%消散,所以最後我都係陪老公出旺角去左百人一朱食飯~~

天婦羅冷麪壽司套餐$113

牛肉烏冬壽司套餐$98

百人一朱一向既水準都唔差,老公話碗烏冬好o岩佢口味,即係個湯夠香濃啦...而我個呢,天婦羅整得唔錯,冷麪就不過不失啦...食得好飽好滿足呢~~隔離台個女仔仲不斷話d野好食添喎

食飽飽,我去左大眾買結婚賀卡,雖然無去婚宴,不過我都寫番d祝福俾佢地啦...我挑選左都有半個鐘架!之後行左陣街就回家休息啦....