星期六晚陪老公出席BBQ活動,今個秋天都係我同老公第一次燒野食咋....不過老公朋友醃既豬扒同牛扒真係好咸呀
...咸到好似美女廚房既評判咁吞唔落要吐番出黎呀,真係唔好意思勒~~
雖然主人家好好咁煲左五花茶俾大家飲,不過係熱飲,唔係幾下到火呀,我燒到中段已經有好強烈既慾望想去食糖水
.....
雖然出番黎市區已經係11點幾,不過我同老公依然等住去食糖水救火...最後去左屋企附近既松記糖水
我就叫幻彩明珠
,老公就叫什果杯杯冰....唔知係咪太好生意,幻彩明珠無平時咁冰凍,而老公既杯杯冰因為係刨冰既關係,救火指數爆燈...我都忍唔住食左幾羹
...真係透心涼
三扒兩撥就食完糖水啦....走時仲撞到agnes朋友仔添
嘩~~ 流晒口水...!!
回覆刪除估唔到我呢個夜鬼會係松記遇見你, 真係難得, 我其實我想同你傾多兩句, 但你已經急速閃人, 下次啦, 下次我地一齊去食飯傾計
回覆刪除agnes:無辦法啦,我同老公好累啦...唔係等住d糖水救命,我地已經直奔屋企啦....好呀,下次一切去食
回覆刪除