去到apm就諗起剛開既Mos burger,於是決定買個餐同老公share試下~~
嘩,條人龍好長下喎,正在猶豫等唔等之際...老公發現左隊中有佢個朋友,於是就托朋友買多份...咁樣我地就慳左半個鐘時間啦,有得食既時候已經係半小時之後既事...老公既朋友實際係用左1個鐘去排呢~~
老公想叫既辛辣漢堡未有得賣,結果要左元氣漢堡,加件炸雞同飲品,一共要$38....味道當然好味過麥當當啦,起碼塊漢堡真係食到牛肉味...不過排咁耐就真係唔值啦,而且價錢我都覺得貴左些少,唔係咁抵喎...試一次就夠啦
食完漢堡繼續行商場,行到8點差唔多食晚飯啦...本來想去試赤丸製麪既,奈何又係大排長龍...老公見狀已經唔想排啦,所以老公就話食第二間,最後佢話去RomaRoma,其實佢係貪唔使等位,所以對d食物都唔大期望~
我地叫左個2人晚餐,有
凱撒沙律:d菜唔夠爽,不過味道都ok
三文魚芝士焗薯皮:老公話比佢預期好味,不俗喎
羅馬雜腸薄餅:唔夠熱辣辣,不過真餅底真係好薄亦夠脆
磨菇雞扒忌廉意大利飯:d意大利飯幾"煙um"亦好creamy,我同老公都覺得好味道~~
估唔到食物水準都ok喎,原來尖沙咀間gaylord印度餐廳,赤柱間bayview都係呢個集團架,唔怪之得啦...呢餐盛惠$207
I've tried Mos Burger too. Although it's gd, I still like Burger King more.
回覆刪除Miffy:係呀,都係覺得burger king好味d...不過有機會會去試triple O
回覆刪除triple O?? where is it? have great burger too? wanna try ar. my bf love burger so much~
回覆刪除Miffy:係呀,Triple O 既burger都好出名架,係中環交易廣場一樓平台,金鐘太古廣場二期地庫,海港城food court都有架,我想試佢個磨菇漢堡呀 ...試左記住話我聽好唔好食喎
回覆刪除