燈籠‧中秋節

中秋正日出左通告可以早2小時下班,星期五收4點半既我應該2點半就可以鬆人....奈何工作纏身,好不容易可以放工時已經4點半...即係無左早放既意義,不過準時走到都已經好好啦

約左屋企人做節食飯,4點半放工仲趕得切番屋企換過套便服,同老公一齊出發~~出門口前,老公拎左樣野出黎俾我...噢,原來係個迷你紙白兔燈籠...好得意呢

食完飯,我就同老公去左維園既花燈會,好多人呢...不過我個燈籠都好矚目,不論大人小朋友都向佢行注目禮呀...老公話係迎月個晚見我眼甘甘咁睇住人地隻迷你紙白兔燈籠(因為細細個既時候係玩呢類燈籠,我好懷念架),所以佢就係午膳時間周圍搵,老公話呢個款好好賣,佢搵左好多檔先俾佢搵到,仲要係最後一隻添...佢話d女同事見到個個都話好得意呀~~

維園花燈會今年以唐詩做主題...好多都讀過喎~~

因為星期六我又要跟外景啦,第一站係北角煤氣公司,左諗右諗都係番娘家瞓最著數,所以老公今晚就要自己一個人番屋企啦~~老公話好耐無試過要送我番屋企然後佢自己走,佢話好辛苦喎!