睇到朋友仔對BB既渴求,希望佢有好消息俾我知啦~~
而我呢一刻對於BB既問題都係15/16...
想有bb好大程度上係因為老公既關係,佢時時都會望住我發左福既肚腩問我係咪有左,宜家仲會睇埋一d講懷孕既專欄,番到屋企仲會叫我睇添~~當然,佢都係講笑既成份居多,不過唔多唔少都反映到佢想我幫佢生既慾望!
我其實唔抗拒有bb既,不過眼見身邊升左級做人媽媽既朋友既生活,我又有d擔心...個種無微不至既照顧對我黎講好似一個好重既負擔(在我旁觀者既眼中,真係好似無左自我既生活),我好懷疑究竟我可唔可以做得到...仲要我有個觀念係唔會請人湊BB,亦唔想勞煩99...即係我唔想假手於人,咁我又諗我係咪真係可以全職去湊BB呢...但又有D保留
不過,當係順其自然既情況下都無懷孕,我又開始擔心究竟係咪自己生理上有咩問題呢....不過我又覺得未至於要去睇醫生既地步...但係點解有朋友咁難有BB,但係有朋友咁容易就有呢...呢D咁懸殊既情況著實令我好費解...有既唔想要,想要既又無....perfect match既timing似乎好少發生喎
好在都係過左一年既二人世界,我同老公講過我希望最少有2年二人世界先生bb...仲有時間
...希望perfect match既timing可以發生係我身上
我覺得所有事, 上天早已安排, 只要你自己身體健康, 想有BB唔會係難事. 你所講那個對BB渴求的朋友, 可能我都認識吧! 她可能因為自己身體的個人問題啦, 我都感到傷心. 我有次睇好的日記也哭起來. 人係一個好特別的動物, 有高思考, 高智慧, 可惜有BB就不能夠控制. 我記得媽媽講過, 有時如果係希望有, 反而會冇; 有時你唔希望有, 但係佢又偏偏生存下來. 我自己覺得女性的天賦能力係延續下一代, 我一定會為丈夫生下一男半女, 我並不介意自己身材會變, 因為人老了, 身體機能下降都會有此一日. 我有個朋友, 佢好想有bb, 佢真係有了, 大家很高興, 可惜...... 佢只係企住黎沖涼, 咁就突然流產, 當時佢已經懷孕3個月. 你睇下內地既人窮途末路, 又去田, 又去做勞動, 咁又比佢地生左個bb出黎. 人既智慧很高, 可惜未能為特別的一群達成他們的願望...... 至於你所提及的 PERFECT TIMING, 我希望你可以願望成真, 因為我覺得你是一個幸福的女人.
回覆刪除多謝你覺得我係一個幸福的女人...生bb既問題,我同老公都係順其自然啦...呢樣野真係唔到我地控制,不過如果meet到我想既perfect timing,咁就實在太好啦
回覆刪除