今日中午收到老公來電話佢個女同事今朝起身隻眼睇唔到野,於是請左假去睇醫生~~咁即係話今晚既宴客活動取消勒
算啦,食物準備左都唔會浪費既...不過老公話得番我地兩口子,唔使煮晒咁多樣...結果就整左首次亮相既
芝士煙肉焗扇貝:其實都幾易整架喎,唔使等登去餐廳食啦~~不過我焗左成10分鐘個面都金黃晒,點知老公食落話好似未熟,於是我就入微波爐叮一叮...得左,無問題啦...味道得喎
芝士焗千層闊麪:炒左肉碎再加入琴晚整好既紅醬就逐層闊麪鋪上去,每層又鋪上芝士...焗好勒
切出黎上碟食,老公話個肉醬好好味喎...梗係啦,唔係使咩自己整咁辛苦喎~~其實自己整既話比街既餐廳足料好多...係屋企食又抵又好味...係麻煩在要煮
嘩...好得呀...好有心機慢慢整...我相信一定係好好味...最衰你老公既同事唔舒服黎唔到.. 如果唔係...就真係有口福呀... 咁佢地下次星期六日先黎你又無咁辛苦呢 你老公有你依個入得廚房出得廳堂既太太...真係幸福 ~
回覆刪除(Empty)
回覆刪除睇到已經好想食嘞！
回覆刪除應該很美味呢,我剛開 BLOG3天 ,有空也請過來一坐:
回覆刪除http://hk.myblog.yahoo.com/mrschung2006/article?mid=37&prev=-1&next=7
haha , 找到這篇舊文章講千層麵 想問 d 麵係咪都要好似其他pasta咁先煮熟, 熟後駛唔駛浸住或者過冷河架? 點樣令到佢地唔會黏住?
回覆刪除La La: 我買個隻係唔使煮既千層麪,下面個篇係我第一次整既時候,就係因為拎左去煮,結果10大塊千層麪就要報消啦 http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=204 } 就咁將佢一塊塊疊好,每層鋪d醬拎去焗就得架啦
回覆刪除