老公購物日

星期日老公提議去唱K-lunch,我當然贊成啦...不過2個人好似少得滯,於是老公call左個朋友一齊去唱~~朋友先到一步攞房先,我地12點幾先出門口(因為我好遲先起身),行去寶勒巷既Neways既中途有人派coupon喎,原來係K-lunch 4送1而且每人送多杯飲品添喎...我地得3個人咪蝕左..12點半到左啦,雖然唔夠4個人,不過當有4個人叫多個餐一齊食都好呀,反正免費又賺多杯飲品....午餐食物以卡拉OK黎講,呢間既味道算唔錯喎,起碼熱辣辣唔會凍冰冰啦....唱呀唱,唱到3點要完啦...埋單每人$37,如果4個人既話除開都唔使$30呀,真係抵唱

唱完之後,我同老公就去左行TST Sogo,因為今日係最後一日特價~~我想去睇件褸,唔知點解試左幾間同類型既褸著起都顯得我好肥,所以我最後都無買到,而且覺得自己肥得好嚴重呀,好肉酸呀!!!雖然我買唔到野,不過老公就有戰利品喎-

Converse波鞋套裝(即係有2對鞋):睇黎老公有排都唔使買新波鞋啦,原價$1499,特價$598...超抵!

真皮皮鞋:其實老公最需要買既唔係波鞋係皮鞋,因為佢用黎番工個對已經行到五勞七傷...佢d女同事都忍唔住叫佢買對新既著...所以今日我幾經辛苦終於哄得掂老公買新鞋番工~~呢對鞋原價$1090,宜家半價,老公先好勉強肯買咋

有Sogo卡再可以95折,今日買滿一千蚊仲有抽獎,老公話由佢去抽(因為今日買既野都係佢既),結果抽中左隻日式碟,都幾靚呀

買到一袋二袋要打道回府啦