1230真是充實的一天
一早我已預約11時半去做facial(乘老公要番工的時間),經過節日及冬天的洗禮,實在要好好為肌膚來個深層保濕護理...完成後肌膚飽滿光澤有彈性
...回家簡單的吃了個麪就妝身前往St. terasa church觀禮,因為老公是這個婚禮的司儀,當然要捧場支持幫佢映多幾張相啦~~
又來到我們行禮的教堂,今次在祭台下觀禮,感覺與自己在台上分別很大呢~~之後還要趕入屯門黃金海岸參加老公同事舉行的派對活動
中午已經開始,據老公同事形容,我們錯過了很多精彩美食及節目,也見不到豪華的會所卡拉OK房...我們到達時已要轉戰老公同事位於愛琴海岸的住所,來個合家歡的BINGO遊戲,還有豐富禮品,人人有份,永不落空~~派對結束大家還是意猶未盡,一場來到當然要來黃金海岸商場逛一逛,還要來個漫步沙灘(不過黑蚊蚊,無燈架
),途經酒店,原來以Hello Kitty做主題...再係一間叫黃金一品香既上海菜館食晚飯...水準不俗
行程豐富之下又係時候回家啦
我的老死(相交23年了
,要知道我的年齡還在二字頭的啊
)最愛是Monchichi公仔,小時候媽媽買給她的Monchichi直至現在依然是她的心肝寶貝,每次回港也為她的Monchichi找漂亮的衣服~~
上次在我家傾了一晚不夠,再約了1229出來陪她shopping購物,知她愛Monchichi便帶她去海港城...因為大堂有個小型Monchichi展覽....開心的去了映相...之後去了亞士厘道的cyber cafe簡單的食了個晚餐便再領她去美麗華商場的Monchichi專門店,開心的是好友幫心肝寶貝買到漂亮的毛衣
完成Monchichi之旅,我們再去加連威老道shopping....如果不是今個月消費限額已達,相信我會買下數對鞋子...不過我不能買,好友也買到心頭好....能令老友開心,我也無比快樂
...開心的時間總是過得太快~~
(老公在家不肯出來,不過最後收到99 call他出外晚飯...也好,不用吃即食麪呢~~)
一年4天的聖誕假已到尾聲
...有老公相伴的假期即使沒有去旅行,沒有豐富的節目也覺得很開心,一點也不悶
....悠悠閒閒、寫寫意意、舒舒服服可是這幾天假期的寫照~~每天我也睡至11點幾12點...簡直是人生一大快事
今天沒有特別節目,最後和老公去了工展會...人當然多啦,不過boxing day的今天相信已經比之前好行的了...看看我們的戰利品吧~
3排龜苓膏 - $20 (老公熱氣所以愛吃龜苓膏下火...見這麼便宜就少少地買一些回家)
3樽鮑魚XO醬(特辣) - $50 (老公愛吃XO醬,每次吃完一定釀著要我補貨...平時1樽都要差唔多成$50,今日同一個價錢有多2樽,當然要買啦)
2.6兩人蔘烏龍茶 - $80 (這個算貴啊...不過我和老公都愛喝這款茶,甘甘甜甜的,大家可試試看~而我們又買了花茶壺,所以就決定買它了
)
榮華半斤加瘦臘腸 - $53 (天氣轉冷後已經想買臘腸回家煮些暖胃的菜式,不過一直都沒有買...今天在工展會看到價錢比門市平了$20,也就買了半斤回家)
2支同珍蠔油(150ml) - $0 (我們是購票入場的,見場刊有張贈劵可以換同珍蠔油,當然不會浪費啦)
阿波羅乳酪雪糕 - $20 (老公一早已經話要買黎食,後來終於見到就買左個兩份...一路食一路排隊換蠔油,哈哈
)
另外我們蓋滿了場刊內6個印仔可以去抽獎,不過我同老公都抽左支"生力油"...老公話應該同白花油差唔多既藥油喎~~
其實仲有好多柴米油鹽醬醋茶都好抵買,不過真係太多...如果買左都唔知一年內食唔食得晒,所以都係算罷啦...今日買呢d都好夠啦~~
我一直想買個玻璃的花茶壺套裝,每次行經百貨公司或家品店總會拖老公去望一望...不過動輒也要百五元以上,所以一直沒有買回家...不知怎的,花茶壺總不會減價
一天老公跟我說他在家附近看到一套花茶壺不用一百元,本想買回家的,不過壺中的茶隔不是老公想要的那種,所以沒有買....前陣子陪老公去買公司派對禮物時終見永安的花茶壺系列減價,最平以半價發售,又剛有老公指定那種茶隔...本來我想買個小的花茶壺,折後只是$54,不過沒有貨了...所以買了個大的,半價後$84...但是加熱座很貴,所以只在永安買了個壺
今天終於有時間跟老公去吳家附近的店舖購買加熱座,只售$22...超抵...吳家終於有個花茶壺套裝,可以閒時泡泡茶...休息下
平日我好少買零食既...不過今次見到呢包卡樂B芝士火鍋味薯片就唔同啦,因為我搵左佢好耐架啦
其實上年既冬天卡樂B已經出過芝士火鍋味薯片,點知我無第一時間買,幾日後已經搵唔番...仲一直無再見過佢一面,令我一直耿耿於懷
一年後既冬天終於聽到人話見到卡樂B再出呢隻味,我已經同老公講話見到既話記住同我買...點知係超級市場都係無影無踪
今日行過花墟,竟然見到間OK便利店擺左好多好多包芝士火鍋味薯片係窗口,我即刻停步指住d薯片叫左出黎,老公當然即時走左入去幫我買左2大包,每包$7.9.....好開心呀,雖然未食都覺得興奮
番到屋企忍唔住即刻開一包黎試...我覺得幾好味,無芝士波咁搶味,不過亦充滿芝士味道...好芝士既朋友見到記住買黎試下啦
今日聖誕節...兩口子其實無特別活動,都係拍拖周圍行下咁啦
...唔知點解後來又去左睇board game...可能上次個賽馬遊戲幾好玩,所以我都無反對老公買board game既...都係兩公婆閒時既玩樂工具
上次老公同朋友係上樓cafe"jolly thinker"已經玩過Ticket to Ride既簡單版(即係美國版),老公話只係起路軌已經玩得大家好開心...佢話仲有歐洲版(有得起車站)同德國版(有乘客)...複雜d仲好玩...佢話有朋友買左歐洲版,所以我地就買德國版勒
我地睇過幾間戰棋會架啦,呢間折左最平,不過都成$280...算啦,就當係聖誕禮物啦
