終於買左Boot啦~~

11月頭就已經係I.T.睇中左2對boot,可惜當日忍手無買...之後見天氣依然唔凍又無減價,所以堅持唔去買住...其實我一直都對佢念念不忘,睇其他舖頭既boot都係嫌唔夠之前睇中個款靚...

直至日前路經I.T.見到sales,心想終於都係時候出動啦...點知星期日諗住同老公去買時,人太多,而且我睇中個款竟然唔見折左既價錢牌...唔係呀麻對對都減,偏偏我鐘意個對依然正價...咪玩喎~~

行左幾間情況一樣,結果星期日買唔成...今日星期一下畫見完牙醫唔憤氣再去睇,忍唔住去問sales姐姐,原來我睇中個款3隻色得黑色有7折,另外灰色同啡色都依然係正價無折...下,點解會咁架~~

我試左之後其實鐘意灰色多d架(可能今日係黑褲既關係),不過無折好唔抵,所以最後買左黑色番屋企($490)~~摺起boot頭仲可以當係另一個款著都唔錯架

之前睇中既另一款就已經無再見到啦,可能已經一早賣晒啦...唔緊要,今個冬天我終於有新boot著啦,好野