唔想做咪出聲lor~~

話咁快我又已經番左新工3個月...之不過老闆今日調走啦,新老闆到位,我又要時間適應下啦~~

而另一個clerial同事,我就已經摸清楚佢啦...一來大家年齡有距離而佢又未婚喎,所以根本無話題,無野講...工作上佢一定要老闆下旨先肯做,我講既佢一於好少理

按本子辦事無問題,你點對我,我咪點對你lor...你做既野唔好叫我幫手...之不過我好多野都未掂過,咁問佢幾句先做都係一個保險既方法...今日我問佢reimbure既程序係咪咁..咁..咁....佢一句我唔知架,你自己睇file啦,舊年點做跟住就得架啦....我當然睇左file先問你啦,大姐呀,舊年係你做架,份文件仲有你個大名呀

我用一個唔係太客氣既語調同佢講...佢就話是但啦,都係跟住做啦....你唔想做咪出聲lor,講咩話唔知無做過呀...最憎d人咁架啦

跟住同阿大姐講我做無問題,不過頭個部份老闆叫你做,你一日唔做我一日做唔到架喎....佢語氣緩和左少少同我講,你呢部份唔使咁急做既,慢慢黎得架啦...我好唔客氣同佢講,呢個係你既方法,宜家係我做,我唔鐘意d野擺係度拖住唔做架喎...跟住佢掛老闆個名話老闆叫佢儲埋多d先一次過做,宜家先得3分1...我只係回應佢總之你做完你個part就同我講啦~

後黎舊老闆番黎執野,佢就問老闆d單得3分1係咪唔做住,點知老闆話做得架啦...佢先無野講咋

點解d人唔可以自動自覺既呢~~