《我愛巴黎》

上個星期見《新假期》附送北海道既旅遊指南就忍唔住買左本番屋企睇...我真係好想去北海道睇雪祭啊

可惜計左條數實在太貴啦,分分鐘比我個希臘蜜月遊更貴,不過地點係日本,好唔抵喎...所以都係唔好諗啦

睇睇下本雜誌見有《我愛巴黎》既優先場戲票換,咁我咪好c9咁寄去換,又真係換到喎...我諗係因為呢套戲唔太吸引人睇卦~~優先場係6.12.2006,星期三,9:40p.m. 百老匯電影中心(呵呵,好近我屋企呢)

呢套果然係一齣藝術片,佢係由十幾位唔同既導演各自拍太約5分鐘既故仔湊拼而成既...可能5分鐘實在太短啦,佢又想講下d野,所以搞到有d難明啦...有某d故事都幾悶架...我見有幾個人睇唔晒成套戲就走人lu~~

套戲拍得巴黎好靚,真係一個浪漫既地方,令我又諗番剛剛拍拖同老公去歐遊既事...我見到我地行過既地方呢~~

成十幾個故仔,咁梗有某幾個印象深刻d既...老公話有d都有共鳴,不過有d又唔明...我都係咁話...好彩係贈卷,如果自己買票入場,我同老公就覺得唔值啦~~