唱完K去深水步會合老公,因為想睇下d聖誕佈置飾物...係我未到之前,老公同朋友去左黃金睇遊戲機,佢今次主力睇任天堂新出既Wii,價錢比PS3抵好多,賣緊$26xx...我諗我可能會買部Wii俾老公做生日禮物啦,相信佢一定會好鐘意~~不過老公都買左張1 GB Micro SD卡俾我,用黎插係部手提到可以入好多mp3俾得聽喎,Micro SD好貴呀,要$205呢~~
...至於聖誕佈置飾物,我覺得深水步一d都唔平喎,所以決定同老公去黃埔吉之島睇,睇之前決定醫左肚先...老公話想去食和民喎...好,就咁決定啦~
叫左照燒雞壽司卷:唔錯呀~
煙肉芝士波:呢個好好味呢,不過我諗d煙肉味應該係黎自個醬,而個波就好濃郁既芝士味,好正呢
豬扒鍋:我地唔係叫火鍋就係叫呢個豬扒鍋架啦,yummy~~
同埋一杯Mango coconut cocktail:因為老公話佢好口渴,於是就叫左呢杯野,不過好唔抵呀,好多冰,基本上飲3啖就已經見底...係呢d地方都係唔適宜叫飲品~~
用左和民卡,埋單$144~
沒有留言:
張貼留言