財務整理日

掌管吳家財務既我係時候要整理一下資產分佈啦

星期三收到DBS銀行既通知,我之前用抽新股既退票做既6個月定期到期啦,問我有無打算點處理...啊,時間真係過得快,咁就6個月啦...我當然唔會受佢既影響投資佢推介既野啦...我一向係穩陣型,股票投資既野少少地已經夠,所以都係搵d高息定期最合我心意~~

於是星期六老公番工,我就出去各大銀行處理吳家既脹目...決定去大新銀行開個定期,應該係最抵既一間架啦...另外見東亞銀行推廣開户口及支薪户口就有UA贈劵同埋月薪3%現金回贈,我就拖埋老公一齊去join啦,真係簡單勒,開個户口就有4張UA贈劵,轉埋個出糧户口又多千幾蚊使下...其實真係幾著數喎~~

最搞笑係開户口時,櫃檯姐姐問我地係咪開聯名户口,我同老公不約而同大力搖頭仲一齊話「千祈唔好開聯名户口呀,一人一個得架啦」...櫃檯姐姐見到我地既反應都忍唔住笑左出黎...係呀,我唔鐘意搞咩聯名户口架,咁麻煩,個人名義咪簡單lor...總之户口有咩支出都係我既掌握之中,聯唔聯名又有咩所謂呢~~