聖誕佈置 ~ 第三擊

由於吳家既廳係長形,星期六買既飾物仲未足夠令我地覺得有濃厚既聖誕氣氛...於是星期日係理工監考完就同老公再去吉之島掃貨~~

上面個盒係飾物套裝$120另再9折,諗住用黎裝飾聖誕樹既...雖然已經有個2呎半既聖誕村光纖樹,不過老公覺得唔夠...再要買多棵5呎高既擺係客廳梳化旁(一開大門直望就見到架啦)...

老公同我都覺得已經有棵小光纖樹,所以決定5呎個棵買番傳統既PVC聖誕樹加閃燈已經足夠...但係普通聖誕樹就不用於吉之島買勒...於是番屋企途中係文具店就買左下面呢棵啦...

5呎PVC聖誕樹加閃燈都只係$118,唔貴呀...兩口子一齊整聖誕樹,好溫馨呢

好,今晚就整住咁多先,仲有其他飾物仲未掛起呢...呢個星期仲要繼續努力