星期日行街時,老公係LCX睇左左件褸,但係差唔多成千蚊,所以無即時買...不過見老公提左件褸幾次,我就話不如聖誕前去買啦...琴晚瞓覺時我又講起想換銀包,咁老公就話今日放工去買啦,聖誕前買開心d...咁咪煮唔切飯
...咁我就同老公講請佢去酒店食餐好既...其實係有優惠我先咁講既
我叫老公去喜來登酒店間Someplace Else美式餐廳食飯...其實係因為呢間餐廳1月中就結業,宜家有3款招牌食物賣$23(因為已經經營左23年,6pm-8pm供應)...每款正價都成百蚊架...6點9到已經full full地,我唔想坐吸煙區同bar檯,唯有等下啦,反正老公都未到,好在都係半個鐘之內就有位啦~~
老公叫左個漢堡飽,塊漢堡好厚亦好大塊,一咬落去d肉汁滴晒出黎,不過就無其他醬汁,自己加d茄汁同芥末味道會更好,伴碟薯條亦好好味
而我就叫左個rib,$23係俾半份既,不過我唔覺得少喎...d肉好嫩滑呀...好好味呢
...伴菜焗薯亦一流,食埋個粟米,不知幾飽....
見佢happy hour飲品買一送一咪叫左2杯pina colada...點知埋單時個waiter話我地叫左2個order,買一送一即係4杯,我咪同佢理論lor...我話問左你係咪buy1get1先order架喎...你都無話總共4杯...佢堅持話佢講得好清楚仲話宜家補番另外2杯俾我地,我話我既理解唔係咁...最後佢死死氣cancel番一杯既order...本來呢餐食得好開心既,點知衰修尾
不過點都好,結果埋單只係$106,真係好抵呀
...我諗我都會係佢結業前去食多次,事關仲有個羊扒都係$23既都未試
~~
沒有留言:
張貼留言