我似做左人阿媽咩???????

今日係嘉年華會既慶功宴,地點係展貿既君豪會...我都係第一次黎架咋~~

環境都唔錯喎,唔怪之得佢都係一個熱門既婚宴場地啦...仲見到林文龍同郭可盈兩公婆黎飲茶添~~而今餐既食物水準都唔錯,因為實在食得太飽,所以今晚餐飯我都食左好少,當然都仲有一個原因既...就係因為竟然有人以為我已經有子女...有無搞錯呀,我個樣咁young,邊得黎似做左人阿媽呀

事緣老闆食飯前隻手好端端的,食飯時有人發現老闆手指貼左膠布...老闆話係呀,個同事得公仔膠布,所以咪用佢lor...席間另一人以為俾膠布老闆個同事係我,就同我講話一定係因為有小朋友所以隨身帶定公仔膠布...我聽到後碌大對眼向佢求證,你係咪話緊我呀(我希望佢唔係同我講)...佢仲點頭喎,我就問佢"我似有細路咩?"

佢知講錯左野啦,可惜打唔到圓場...就笑住講對唔住...其實我當然無嬲啦,不過我第一次聽到人話我似做左人阿媽,實在係太驚嚇啦...所以反應大左d咁啦

隔離位個男同事話"你唔好咁大反應,呢d無樣睇架...宜家好多年輕媽咪架麻"...唉,睇黎我要好好檢討下我既外觀先得啦