娘家吉之島購物篇

1201老公去飲之時,我就約左屋企人食晚飯...今次純粹屋企人出席,即係就連2個妹既男友都無黎~~

我地去左屋企附近食泰國野既餐廳,叫美味...食物果然唔錯喎,價錢仲好經濟實惠添~~可能宜家唔係成日見,一見面我地就笑聲震天,其他食客一定會覺得我地好嘈,真係唔好意思勒~~

食完飯,我話想去吉之島行下(我其實係Jusco既fan黎架,佢既貨品有質素得黎價錢又抵,所以我好鐘意行Jusco架...可惜九龍要去到黃埔先有,唔就腳就少左好多去行啦...)搬左去上環既細妹都和議話同我一齊去行,阿爸又話陪我地行順便袋住張J card等我地買野有得折(因為咁o岩1/12 - 3/12係會員購物日),另一個細妹見我地咁興致勃勃又話去睇下...唯獨阿媽話要趕番屋企睇電視劇,點知行行下,阿媽都係改變主意陪我地行...果然一呼百應,一家人就浩浩蕩蕩咁去吉之島購物啦...

聖誕臨近,好多聖誕裝飾出籠...老公一早話要好好佈置吳家,就咁埋下左之後2日同老公去吉之島買野既伏線勒....而屋企人就掃左毛毛拖鞋,保溫杯,底衫...哈哈,都係d家用品呢~~

shop得好開心呀