本來今日諗住去海港城既FACES買化妝品既,因為FACES今日係christmas party有特別推廣,不過7點半去到人頭湧湧,每個專櫃都有一條人龍排隊,好似唔使錢咁
...老公係身邊,無理由要佢陪我一齊排架,而且排到都要慢慢睇慢慢試架...咁搞法好難慢慢選購喎
於是都係離開算啦,不過無得shopping好失望...食完飯同老公講不如去九龍酒店今日開幕既西武行下啦,地庫既一層全部都係化妝品牌,呢到好靜局喎,同FACES比差太遠啦~~
我去左RMK既櫃位,見到下面只係呢間同沙田新開間分店先有得發售既opening start set,只係$300,好抵呢...有爽膚水、磨砂、make up base同埋loose powder,後兩者我都試左上手,質感唔錯喎,loose powder仲係我鐘意既少少閃閃效果
...所以就決定買啦
見睇開就問下粉底同遮暇膏啦,sell我個位係男sales黎架,佢仲係supervisor黎添喎...佢唔同我講話佢化左妝我都唔為意~~連老公都話佢個妝化得好自然...阿男sales仲同我試粉底(102號)同遮暇膏上面添...效果都唔錯,老公都話幾好...不過始終都係遮唔晒我d雀斑,所以我都係唔買住,睇多幾間先~~
以為走得啦,點知俾我見到呢set christmas palette($650),係宣傳單張就見得多,真身都係第一次見...原來真係好齊備架喎
...我多手試左d眼影上手,不得了,效果好靚喎,又係我最愛既閃閃...老公話見我試左上手即時瞳孔放大就知我鐘意到會買...老公真係聰明啦,我即刻就決定要埋佢啦...男sales話呢個palette其實已經賣斷晒,不過因為今日開幕先拎幾十套黎賣,今日都去左大半咁話喎~~
就係咁,我就花左差唔多一千蚊係RMK度啦
...宜家仲差粉底同遮暇膏未決定買邊隻牌子,買埋就應該完成轉化妝品既任務啦~~
我覺得俾男sales sell都幾開心架喎,睇我擺低成千蚊就知啦
RMK $300 個 set 真係唔錯..因為 make up base 同埋 loose powder 加埋都唔止 $300..不過 size 係唔係細 d 架呢 ? 至於 $650 個 set 就更加正..見過想去買都已經賣晒喇...閃閃又可以 christmas 用..今次買到野又有男 sales sell...同意你講...好開心呢
回覆刪除set christmas palette真係好正呀~ 人地上次去買到買唔到... 我尋晚係洲際... 早知都碌去西武啦~
回覆刪除碧姬:係呀,$300個set幾抵架,make up base 同埋 loose powder 就係貨size既一半,都值$270架啦~~,而且我又唔係日日化妝,細樽d仲好啦,唔使用得太耐麻...你知女人幾貪新鮮,用得幾用又想轉架麻...所以我個人鐘意d細d既size架~~ ...無錯,男sales sell原來都幾開心架喎,初初仲有d驚添架 魚露:係呀,你想買但買唔到呀...如果你今日去可能仲有機會買到喎~~
回覆刪除妳都受唔住誘惑呢 個christmas palette真的很好用，銀色eye shadow超級掂，好閃好閃
回覆刪除以前每年一到聖誕、新年呢啲日子，我都會駛唔少錢喺化妝品上面，不過自從近一年有濕疹之後，我都甚少化妝品，依家就連返工都唔化妝，搞到啲化妝品都冇乜點用過，所以今年可以慳返唔少錢喇!!
回覆刪除jk:我今日開左個palette黎用,真係好唔錯 ...eye shadow果然夠閃,lip gloss都好得...其實個sales俾左rmk既粉底sample我,今日試黎化都ok架喎...唔錯唔錯 thy:咁又係,唔買化妝品真係可以慳唔少架 ....不過有得買又好開心喎,我都無買化妝品成年有多啦...今個聖誕放肆下啦
回覆刪除原來係$300, 我都有見到呀~ 不過, 我既男朋友係旁邊, 我唔敢去買, 因為佢怕我多女人係佢身邊行來行去, 所以最後都係唔記得左. 我都想試下呢個牌子, 聽聞base好好用.
回覆刪除係呀,我覺得隻base唔錯,不過有人話用左生粒粒,但係我就無~~
回覆刪除好唔好用架.不過你實話好用 唔係都唔會買 哈哈~~ 咁幾好 成套買 下次唔駛再補貨.. 我驚男sales架 唔識sell
回覆刪除