呢個就係今次既重點裝飾勒 - 『音樂火車聖誕村光纖樹』
好....好...好...靚架
佢放置左係鋼琴頂~~佢會感光而發出音樂架,唔會不斷咁播,想聽熄燈就可以架啦
首先係一串火車聲,然後有把聖誕老人聲講「呵..呵..呵..呵...Merry Christmas」,跟住就唱Santa Claus is coming to town~~
有架火車會圍住聖誕村行架,相中睇唔清個架就係行走中既火車啦~~
星期五我係康怡既吉之島都唔見呢個東西架,去到黃埔個間就見到啦,我同老公同聲讚嘆,一致決定買佢成為吳居家品~~,佢仲有一款就係有人仔轉圈滑雪既,不過無火車呢款咁吸引...都係賣$239另有9折...其實真係唔算貴呀....星期日我地再去補貨時,見到呢款已經賣晒啦,連陳列個部都無左添呢~~好彩星期六買左走咋
我屋企都擺o左聖誕樹啦，已經有成兩個星期 不過妳呢個吳居家品真係好靚
回覆刪除舊年我放聖誕樹放到新年... 今年仲諗緊拎唔拎出黎...
回覆刪除幾年前開始都有擺開聖誕樹，不過今年擺唔到，因為間屋畀之前住既細咗，如果要放聖誕樹會好阻地方，但係又唔想用錢買過棵細既返嚟，而且我老公仲成日話我開咗棵樹既燈"o徒"電喎，話我無聊喎，所以今年唔擺囉！！
回覆刪除的確係一個好好既 christmas 裝飾...即刻有晒氣紛呀~~
回覆刪除JK:你已經咁早整左聖誕樹啦~~ 魚露:拎啦,擺左好feel好多架... 阿Thy:下,個d燈有幾"o徒"電呀?咁唔擺聖誕樹都可以掛其他裝飾品架麻.... 碧姬:係呀,呢個光纖樹真係好靚架~~
回覆刪除