我今日唔係去Disneyland玩而係去工作,因為今日係去拍外景...無錯,原本放假既日子都變左返工,仲要係早上七點幾去到集合
,都咪話唔辛苦~~
不過我之前都無去過Disneyland,於是都帶左部相機影下野...架列車同月台果然幾靚喎!
因為係去做野,所以有幸從職員通道進入,深入夢幻背後不為人知既後台風光~~睇到佢個龐大服裝間,真係大得好誇張呀
我地要拍既就係呢個太空飛碟勒...我仲要客串扮玩添...不過我相信一定影唔到我
另一個拍攝點係馳車天地...其實佢既機動遊戲真係吸引力唔大,都係適合小朋友去...睇黎都係疊埋心水等佢開埋第二期先同老公去玩啦
一大早未有人,等我同巴斯光年影番張相先~~
下畫既外景就係宏偉既青馬大橋勒,仲了解到背後複雜既監察系統...其實好多野真係唔好睇表面以為理所當然...背後實在有好多不為人知既辛酸架...今日又見識多左啦
睇嚟你份工都好辛苦喎，喺office已經做到頭昏腦脹，仲要出外景日晒雨淋，不過雖然係咁，但係又真係會見識廣博咗，我相信呢份工一定唔會悶呀
回覆刪除
回覆刪除阿Thy :係呀,因為條片趕住要起,加上11月頭又有個嘉年華要搞,我又係新手,所以超級忙 本來國慶日要去拍醫院架,不過我同老闆講我唔去啦(點都要休息下啦),咁老闆話佢或者會去喎~~希望無咩問題啦
我尋日忙完公司 event..今日都要休息..唔係邊有力 10 月繼續忙.. 你老闆都好願意同你配合呀...因為你唔去佢都會主張話去...我相信佢都會係一個體諒既老闆 努力...相信黎緊既日子會愈來愈忙...不過...你仲會唔會 keep 到夜晚煮飯呢...?? 你整得咁好...好想繼續睇到你美味既菜式呢...
回覆刪除