琴日買餸既時候預埋今日既份量,所以都係有雞有免治豬肉,心目中都未決定煮咩餸,不過番到屋企都係第一時間醃左d肉先,之後再決定...結果整左味
蠔汁豬肉餅炒粉絲:因為免治豬肉份量唔多,又唔想炒肉碎,咁就整個餅仔拎去煎啦...配個炒粉絲...再加個蠔汁淋上面,完成~~
香煎雞球:本來想用酸辣雞醬去炒架,點知老公入黎廚房見我醃左d雞叫我就咁拎去半煎炸,佢話佢阿媽都係咁整,好味喎,叫我就咁整...於是我咪聽佢話就咁拎去半煎炸...味道ok架(我醃得入味麻
),不過我自己就另外點d酸辣雞醬食,更加好味
...下次我真係要試下用酸辣雞醬去炒先得~~
數數手指都好幾日無正式煮過餐飯食啦,所以今日放工就去買餸啦...
椰汁咖哩薯仔炆雞球:
上次個咖哩薯仔炆雞翼太辣,所以今次加埋椰汁入去溝淡d咖哩,仲諗住可以變成葡汁炆雞添,可能我都係落得唔夠椰汁,所以只係整左個小辣既薯仔炆雞球...o岩晒老公口味之餘,佢話食雞球比雞翼更好,因為佢懶"損"骨呀~~
另外個家常豆腐加多樣金菇,味道更加豐富
老公既婆婆由印尼黎左香港,係99屋企住...黎左幾日我都仲未去見一見佢老人家,而且我都好耐無上99屋企,所以星期日就同老公講,不如過去99到食晚飯~~
上到99屋企無煮飯喎,99叫我地去妹記買外賣...妹記大排檔係金巴利街市,水準唔錯架,都係我地介紹99食先既,宜家99唔煮飯就會去妹記買外賣架啦
今次當然係我同老公落去買啦,叫左
芥蘭炒牛肉:我就唔食芥蘭既,不過牛肉就唔錯...
豉椒炒蜆:呢味不過不失,以大排檔水準黎講,唔算炒得出色,不過$48又唔算貴~
鋼鍋雞:呢味係佢既招牌菜,幾好味架~~
椒鹽豬扒:呢味係老公細佬既指定菜式,無左佢,細佬係食唔晒碗飯架...我覺得整得好惹味
芥子墨魚丸:呢味幾好食,用左芥末同青瓜做餡,特別得黎又幾好味喎~~
三杯骨:伙記話係新出品,又幾好味呀,甜甜酸酸但又唔似咕嚕肉個種feel....
6味餸共3百蚊多d,都唔算貴架啦...而且地方好企理,如果去尖沙咀想平平地食下小炒咁,妹記都算係一個不俗既選擇
之前Sogo thankful week既leaflet有張free HABA美白導入既coupon,完成左仲會送10ml既white lady添...於是上次去買新手袋既時候我就順便預約埋今日12點去做
張coupon話係15mins既,不過最後做左30mins,都幾好呀...做完之後個sales都係好簡單咁講呢期既X'mas gift set有咩,平左幾多咁,都無hardsell...仲同我講如果效果好先番黎配
其實我都知white lady係HABA既皇牌,貨size都係得30ml就要$390,今次送枝10ml都唔少架啦,而且個美白導入都睇到d效果架...不過我邊用得咁多野呀...所以拎左枝white lady就走左啦~
好抵呀
今晚我就約左自己班小學同學黎屋企玩UNO大戰,真係玩得好開心...我本來既形勢保持得好好架,點知後黎大家得悉我既分數就開始咀咒我,結果得唔到第一~~,咁當然都無慘敗....玩到成9點半先落去《老趙》食晚餐~~
而老公今晚就係佢班大學同學每月一次既生日聚會,平時我無特別節目都會同去一齊去既,不過今晚就佢一人去赴約啦
今日醒來準備梳洗時,老公突然話好辛苦唔舒服,喉嚨極痛...咁梗係叫佢請病假休息下啦~~
我見我又有d補假未放,所以今日就放番日補假照顧老公勒~~
橫掂都起左身,就叫老公早d出去睇醫生,去到醫生未番到,要等半個鐘...咁就同老公去澳洲牛奶公司食個通粉早餐啦...再去買雞番屋企煲啖粥佢食~~
我都係第一次煲粥咋,因為個電飯煲神神地,我選擇左用明火煲粥...都煲得好綿...幾好食架~~
今日雖然係食公仔麪,不過都有新菜上場試食,我都唔知點叫佢好,就叫佢做『肉蛋丸』啦
其實係用免治豬肉包住隻鵪鶉蛋整成一粒粒丸咁既,然後再淋d汁上面食,老公話估唔到都幾好味,不過我煎左好耐中間d豬肉都仲有d唔熟,所以拎左去叮一叮,所以令個面乾身左d,如果唔係應該更好味
其實我之前買左一盒鵪鶉蛋,有成12粒,唔知係咪放得唔好,結果得4粒無壞到,所以整左4粒肉蛋丸...d鵪鶉蛋咁易壞,我諗都係唔再整啦~~
之前去婚宴拎左幾個橙番屋企,因為老公話呢d係禮貌喎,我以前唔會拎架,不過老公話唔好所以就打包左幾個諗住拎番屋企俾佢食啦~~
點知提左佢幾日,佢都無拎黎食...老公話「你搣俾我食先得架麻」...哎呀,拎左番黎屋企仲要搣埋喂你先食咁大少爺
...結果當然無理佢啦..但係唔食d橙好浪費喎,咪睇下可以點利用~~
結果睇到個用橙煮既餸:橙香骨是也
老公話味道唔錯,但係唔算好濃既橙味...我都覺得橙味唔係太出,不過我都用左2個橙黎煮架啦~~
另外加多個家常豆腐用黎撈飯食一流,今次落左幾滴辣椒仔,所以食到少少辣味,而老公又接受到
老公梗係見我呢期買野買得咁開心,佢又唔抵得,去左玩具反斗城行喎,結果就買左呢個戰國風雲既遊戲勒~~
我老公唔好車又玩唔起音響,又已經唔追求日新月異既電腦產品..佢最鐘意既就係玩具,上至打機,下至各類board game都鐘意...自屋企部UNO機遊戲深得各方好友愛戴之後,老公同我一直都想再添置一些board game供大家耍樂一番...戰國風雲一直都係考慮之列,奈何急切性低,實在無必要正價期間購買~~
今日被老公見到佢做特價,原價$29x減到$195.9,老公就問我俾唔俾佢買
我見我都買左個新手袋,無理由咁自私唔俾佢使錢架麻...所以我咪俾佢買lor...老公即時歡天喜地,十足十一個大細路咁...拎到番屋企佢就會慢慢研究玩法架啦
各位再上黎我屋企開party,又可以試玩呢個新遊戲啦
想去Triple-O's食佢既burger好耐架啦,不過成日無左件事...上次食Mos burger失望而回,所以好想試一試好評如潮既Triple-O's
今日就同老公去食lunch,叫左個Mushroom burger combo ($59), 有杯french fries 同14oz 汽水,另外再叫多個BC burger($39)
嘩,個飽真係好大個喎
~~呢個係BC burger:100% pure beef patty topped with Triple "O" sauce, 2 strips bacon, cheese, lettuce & tomato...呵呵,老公話好正,仲舉起手指公讚好...佢話同Mos burger比真係差好遠,麥噹噹就更加唔使提啦...老公話呢d先叫物有所值
我就食呢個Mushroom burger :100% pure beef patty topped with fresh sauteed mushrooms & Triple "O" sauce...原來burger+mushroom個效果係咁好味呢,就算係個麪飽都好鬆軟,原來食完成個飽已經飽到上心口啦~~
杯薯條粗粗的,唔錯~~我地對呢餐burger lunch好滿意,可惜價錢唔平,唔可以成日食啦
,故仔講4個男人點樣瞞住老婆出去滾,對白好鬼精驚,場面又混入其他戲既經典場面,好搞笑...我地兩公婆睇得好開心,仲笑得好大聲添.....續集好似係講老婆瞞住老公出去滾,唔知係咪一樣咁好笑呢