天樂餐廳

其實都唔知同老公去邊到食晚餐好,最後去左銅鑼灣既天樂餐廳~~

我地叫左佢地首創既天樂甜心雞卷同埋法式羊膝煲,食到我地兩個飽到捧住個肚走....

天樂甜心雞卷:極力推介好好味呀,個醬汁好獨特又開胃...只係知佢一定有用芥末去整,個雞卷外脆內嫩,中間卷住既我地實在唔知係咩,不過甜甜地配埋個醬汁又好夾...呢個餐係$108,相信其他地方應該食唔到呢款味道勒...大家黎到一定要試下呀

法式羊膝煲($88):都好好味...羊膝炆得好淋又入味,個汁仲有好多配料去煮...正...咁當然同雞卷比既話就普通左d啦...因為總會係其他地方都食到~~