牙齒重光日

今日又係見牙醫既日子,除此之外亦係脫箍既重要日子

唔好以為脫箍好快,因為防止牙齒走位,所以要整定型模....牙後有條固定鐵線(除唔到既),另外有個瞓覺先帶既定型器(下星期先有得拎)...仲要洗牙....結果搞左2個鐘

無左個牙箍,笑容當然迷人左好多啦....不過竟然唔係好習慣,畢竟都箍左2年半既時間,一下子解放番又覺得唔係好自然,真奇怪~~

走之前醒起介紹左老公個死黨黎呢度睇牙,我就問姑娘個朋友d牙係咪好番啦...姑娘就話原來係你介紹既,點解唔早d講呀,原來介紹人係有禮物架...牙醫俾左$100 city super禮劵,之後睇牙既費用仲可以打9折...我同姑娘講,仲咩唔早d話我知,如果係咁,我就介紹多d人黎啦....哈哈

原來位朋友醫好d牙後仲箍左牙添呀...我即刻話俾老公知,老公拿拿聲就打去問個朋友係咪箍左牙添呢