蓮香樓

因為告別中環天星碼頭,我同老公就搭左船去中環...於是決定係中環食午飯,不過食咩好呢...

行下行下,去到蓮香樓附近就決定去呢間懷舊茶樓食野啦~~

嘩,好多人好旺場喎...要自己搵位,多得一名茶客提醒不用等就找到2個位了,咁當然一定係搭台啦

黎到蓮香樓,當然要食懷舊點心啦,仲要自己出去搶添,唔係就會俾其他人掃晒架啦

不過食到懷舊點心都要講彩數,我地就只係食到豬肚燒賣(原來豬肚都幾好味架喎,不過好大件呢~)

原條臘腸卷(老公話好好味,我都覺得好正,不過真係唔好食咁多...肥呀)

仲有叫左珍珠雞(其實我覺得係糯米雞,不過點心嬸嬸堅持話呢隻係珍珠雞,咁就叫珍珠雞啦)咁...都幾特色呀!