呢個星期都無正式煮飯,今日已經星期四啦...雖然諗唔到煮咩食,就煮d最簡單既野啦~~
白菜粉絲煲:個4條蟹柳係我既
...一大煲白菜夠健康啦~~
蒸水蛋:雖然邊邊好似有氣卜,不過整體黎講都算蒸得幾滑架,用黎撈飯食就最好架啦~
梅菜蒸肉餅:知道老公鐘意濃味,所以落多左生抽調味,我就覺得咸左d勒...不過老公話一d都唔咸喎,真係服左佢呀~~
芝士燴芝士腸:要留飯盒,所以煮埋包芝士腸啦...興之所至放左塊芝士一齊煮,鐘意食芝士既我地當然覺得好好味啦...不過我只係食左一條咋~~
雖然4味餸都好簡單,之不過味道又幾好喎,食得好開心呢,而且呢餐只係$15咋,仲包埋聽日我地2個份晏畫呢,所以話都係煮飯食最經濟實惠又好味
係呀 好鍾意個猪鼻
回覆刪除15蚊？ 妳又係邊度買到特價貨呀？？
回覆刪除好勁, 個賣相好靚! 得閒要上你度chi餐.....
回覆刪除innis:你係咪太客氣啦,咁既賣相你都話靚?? JK:哈哈,我不過係去超市買咋...白菜$2.5,免治豬肉$4,芝士腸$6.5,雞蛋3隻約$2...咁就$15勒...其他食材就係屋企已經有既野lor~~ jiji:哈哈,我個時都係因為個豬樣而買個煲呢~~
回覆刪除怎樣整肉餅實D?
回覆刪除happy girl:點解要整到肉餅實d呀?
回覆刪除