話說睇完《不能說的‧秘密》之後,我差唔多日日都上youtube睇四手聯彈同埋鬥琴既片段,為的就是聽一聽那令我掛念的旋律
那時已經令我好想買佢隻原聲大碟...終於係網上得知HMV有得買,價錢係$129~~一向覺得HMV價錢比其他唱片店貴,所以打算去其他地方買~~可惜我搵左幾個星期都搵唔到~~
終於上個星期同老公係信和一間唱片店搵到,但係標價係$220
...嘩,咁貴既,比HMV貴成一百蚊喎~~我見隻碟寫住限量發行一萬隻,我諗係因為咁而炒高左個價啦~~我已經好耐無買CD,難得有隻想買竟然咁貴,我當然唔會俾多一百蚊啦~~幾日後我去HMV搵,點知d職員話俾我知已經賣晒啦
老公知道我好失望,不過佢話等DVD出就買番隻喎...咁呢個都係唯一既方法啦~~
點知今日老公番黎就同我講話買左份結婚2週年既禮物俾我,原來就係呢隻《不能說的‧秘密》原聲大碟
老公知我一定問價錢,所以仲話佢買得好抵,一百蚊有找添~~但係我睇隻碟真係正版黎架喎,點解老公咁勁可以搵到隻碟仲可以係我接受既價錢呢...想必花了一定時間,我真係好開心收到呢份禮物呀~~多謝老公
妳老公真細心 今天是我結婚兩周年紀念正日，但老公卻病了... ...
回覆刪除JK:我問老公點解唔正日先送俾我,佢話驚我自己搵到會即刻買左喎,所以都係早d送俾我~~可能我平時無要求買呢樣個樣,所以一有d野我好想要佢就會記住lor~~ 恭喜你布婚紀念快樂,同老公永遠甜甜蜜蜜,仲有就係身體健康~
回覆刪除我在信和買時~一開口已經是250了= =|| 但我都依然買回來了~~XD
回覆刪除朝朝早 精神好
回覆刪除吳生都幾細心wo~~一年又過得好快呀, 宜家又已經去到9月.....咁又一年
回覆刪除一屋三個大細路:係呀,時間真係過得好快呢~~ 茜姐:你咁早就上網啦~~ 吃不到的蘋果:嘩,要成$250,真係炒得好誇張喎
回覆刪除So sweet，你老公好細心又有心思呢！
回覆刪除Sher:哈哈,佢都係一次半次咁醒目架咋~~我諗鐵男都應該對你好細心既~~
回覆刪除