呢幅相究竟影咩呢
其實呢d就係吳生既頭髮勒
操刀者係一個完全未經訓練既新晉髮型師 ~ 吳太
吳生既頭髮生得好快,佢差唔多個個月都要去修剪既...唔知佢係咪嫌煩啦,前排買左個刨番黎(大約二百幾蚊啦),仲叫我用黎幫佢刨喎...佢話佢個朋友都係用呢個刨黎剷青,好方便好易用~~
終於追月日老公見無野做就叫我幫佢剪頭髮,其實我真係無咩信心,不過點都有第一次既,況且唔係刨我個頭就無所謂啦
...我對自己既評分係麻麻地,其實我覺得自己刨得唔係幾好架,不過要用心睇先會發覺刨錯左既地方...吳生話新手既我算交到貨喎~~
以下係吳生對呢位新俊髮型師既評語,節錄自吳生日誌:
「以第一次刨頭黎講, 只係少少一岩一慘, 少少左右不平衡, 其實我都已經好滿意的呢, 而且最重要就係我鍾意呢一種一點點的不平凡, 一點點的不同, 一點點的獨特, 使我看起來有一點點的 special.」
睇黎我遲d就會成為一位一流既髮型師勒
你好叻呀!是現代萬能新女性!
回覆刪除吳太, 哈哈... 我都係幫老公剪髮架... 有次剪左一忽仔耳... 好驚呀.... 我停左一段好長時間先敢再幫佢剪呢~~~
回覆刪除係你既吳生心目中,你已經係一級髮型師啦~
回覆刪除MuiMuimui:哈哈,俾你一語道破左添~ 七七:原來你都係小豪御用髮型師呀,其實我剪緊既時候都好驚架~ Happy Girl:關咩事呀,係迫上梁山o者~
回覆刪除仲有我奶奶有時都要求我幫佢修下個髮尾.... 仲驚.....
回覆刪除七七:下,幫埋99剪,真係勁~~
回覆刪除「以第一次刨頭黎講, 只係少少一岩一慘, 少少左右不平衡, 其實我都已經好滿意的呢, 而且最重要就係我鍾意呢一種一點點的不平凡, 一點點的不同, 一點點的獨特, 使我看起來有一點點的 special.」 你老公真係識講o野~~ 我老公都係一個月多就要去剪頭髮o架啦
回覆刪除JK:哈哈,唔係點會哄得我咁開心~
回覆刪除