車品品

已經有差唔多一年時間無去車品品食野啦,因為佢新舖地點真係唔太就腳~~

http://hk.myblog.yahoo.com/jw!c7r8kVeLBhgu0OPoDT1OLknQ9Q--/article?mid=1031&fid=26

今日心血來潮想去食蝦籽魯肉餃,所以同老公提議去車品品食晚飯~~老公都好掛住車品品既美食,於是就起程出發勒~~

一坐底就同老闆娘打招呼,老闆娘隨即自動投案話今日車仔麪有咩餸缺貨,另外是日推介係新竹貢丸~~不過今日我地既目標並唔係佢主打既車仔麪,所以缺貨都無問題~~

首先黎2杯冰凍自家制既秋梨茶($6 x 2),滋潤解渴

碗仔翅($12):老公至愛之一,呢度既碗仔翅真係非常足料,又唔會杰撻撻...老公狂讚d冬菇,真係好香好味道~~

而我就叫左老闆娘為慶祝車品品7週年而推出既限量《八喜撈》($39),大家可以參考車品品既網頁就知有邊8種野勒

http://www.dogbonbon.com/index.files/page0006.html

雖然看似普通,不過味道確實唔錯~~印象中係功德林食過好多醬料既撈麪,不過我覺得車品品呢個反而仲好味~我選左粗麪貪佢更有咬口,麪條已經撈上豬油,果然係好味d喎~~平時唔好蔥既我竟然係咁落,因為落左味道真係唔同d架...老公就覺得個醬油最正,而我就覺得個肉鬆最特別...加埋黑白芝麻真係好快就食晒~~每樣食材都有調味作用呢...加個清湯菜濕下個口,perfect

跟住出場既就係我同老公都勁鐘意既蝦籽魯肉餃($23),真係好好味架,大家食過就知掂,係我地每次都必食既一味~~

最後係食甜品,老闆娘話有焗西米布甸喎,當然要叫一個啦...呢個傳說中好好味既甜品終於可以食到啦~~由於係即焗既,所以都等左十幾分鐘架,新鮮出爐好味道,我覺得甜度適中o岩我口味,不過好甜者或者唔鐘意....老闆娘話杯邊要凍d先好食,食左個心先...我同老公食得不知幾乾淨,因為真係好味道

我知老公鐘意食榴槤,所以特登問老闆娘今日有無金枕頭(馬騮頭)蛋白布甸,可惜老闆娘話整唔切,無緣食到勒~~

雖然隔左成年先再食,不過水準依然,仲不斷推出新口味~~老闆娘,你要加油呀

我覺得呢間小店真係好值得去支持架~

http://hk.myblog.yahoo.com/bonboncafe_hkblog/profile